14 Lusona uwo vuugendelele kusamhuka, Yesu nayo kengila muing’anda ya Mulungu kasonga kufunda. 15 Baho Wayahudi wakanganya na kulonga, "Munhu ino kapataze mafundo nayo hafundigwe?"

16 Ivo Yesu kawedika, "Mafundo ganifunda sio gangu mbali gake iyo yanhumile. 17 Munhu yolonda kusang’hana goyolonda Mulungu, kovimanya kama mafundo gangu golawa kwa Mulungu hebu niye noilongela gangu mwenyego.

18 Munhu yoilongela tu mwenyego koilondela nhogolwa yake mwenyego, mbali munhu yolonda nhogolwa kwa ija yamtumile, iyo ni wakutogoligwa, na mgati yake kabule ubananzi wowose.