18 Ivo kuvumbuka kwa Yesu Kilisito kukala vino: Malia mami yake Yesu kakala kalaviligwa vilama na Yusufu, mbali wang’hali hawanafunga zengele Malia koneka kamha inda kwa udaho wa Muhe wa Mulungu. 19 Kwavija Yusufu, mulume yamlavile vilama Malia kakala munhu yotogoligwa, halondile kumgela chinyala Malia hazelu, kalonda kumleka kwa kinyele. 20 Viyakalile yang’hali yoitonga mbuli iyo mtumigwa wa kwa Mulungu kamlawila mzi nzonzi, kamlongela, "Yusufu, mwana Daudi, sekeudumbe kumsola Malia yawe mwehe wako, manake inda yeli nayo ya udaho wa Muhe wa Mulungu. 21 Nayo koibasula mwana wa chilume na gweye komwing’ha zina da Yesu, manake iyo yonda kuwalohola wanhu wake kulawa mmalozo gao."