36 Amala Yesu kadilaga dija bumbila da wanhu na kengila mn’nga, waluko wake wamuwinza wamulongela, "Chilongele uja vija kulinga mbuli ya mahembahemba wogesa choni." 37 Yesu kawalongela, "Munhu yohanda zija mbeyu zinogile ni Mwana wa Munhu, 38 Mgunda uja iyo isi, zija mbeyu zinogile iyo wanhu waja ufaume wa Mulungu ni wao, mbali gaja mahembahemba iyo wanhu waja waija mbananzi, 39 na mhasanyi yahandile mahembahemba gaja iyo Mwenembago. Mulao iyo uhelelo wa isi. 40 Kama vija mahembahemba vigakunzanyigwa na kusomigwa mmoto, ivo vondaiwe muuhelelo wa isi, 41 Mwana wa Munhu kowalagiza watumigwa wake wa kwa Mulungu, wawakunzanye kulawa muufaume wake waja wose wowahonza wanhu watende malozo, na waja wose watenda ubananzi, 42 nakuwasa muumoto uja haufa, na uko wolila na kuluma meno. 43 Amala waja wanhu wa Mulungu wobung’huka kama zua muufaume wa Tataao. Kwaivo, yeli na magutwi na yahulike.