MATAYO 16

Amila ya Mafalisayo na Masadukayo

5 Waluko wake viwalokile umwambu wa kaidi mwa lamba, wakala waisemwile kusola migate. 6 Yesu kawalongela, "Muiteganye na amila ya Mafalisayo na Masadukayo." 7 Baho wao wakala woilongela, "Kolonga ivo kwa vija hachisolile migate." 8 Yesu kavimanya viwailongela, kawauza, "Mweye wanhu kutogola kwenu kudodo! Habali molongelela mbuli ya kuleka kusola migate? 9 Ivo, mng’hali kuvimanya? Ivo muisemwa viniimegile ija migate mitano niwalisa wanhu elufu tano? Ivo mmemeza vigelo vingahi kwa ndia ilagale? 10 Hebu ija migate saba iniwalisile wanhu elufu nne? Ivo mmemeza vigelo vingahi va ndia isigale? 11 Habali hamvimanya kua sikalile nolongelela mbuli ya migate? 12 Baho waluko wavimanya kawalongela waitiganye na amila ya migate, mbali kwa mbuli ya mafundo ga Mafalisayo na Masadukayo.