Êxodo 22

Milagi' ku’nguno ya ndi’pi

1 "U’lu' muntu' iv’e ng’ombe, nkolo ninga mbu’li na ku’yi’si’nza ninga ku’yi’gu’zya, yi’lamudime ali’pe ng’ombe itano ku' ki’la ng’ombe yi’mo, na nkolo ine ku' ki’la nkolo yi’mo, na mbu’li ine ku' ki’la mbu’li yi’mo. 2 U’lu' mwiv’i adimwe aho ali’bomola nnumba wu’ziku', nawe agu’mwe mpaka afwe, u’yo wa ku’muwu’laga akasye av’e na musango gwa kwita magazi. 3 Ali’vi mwiv’i u’lu' adimwe itungo i’lo lyu’v’a lyadodomoka na ku’wu’lagwa, wa ku’muwu’laga alav’e na musango gwa kwita magazi.

"Sumbwa mwiv’i u’lu' adimwe, yi’li’mudima ali’pe. U’lu' ali' wu’du’hu' ki’ntu' cha ku’li’pa, haho mweni’ki’li' alagu’ziwe ki’gele ali’pe ku’nguno ya wiv’i wakwe. 4 U’lu' mutugo u’go gwali' gwiv’agwa gwigele mupanga mu makono gakwe, yi’v’e ng’ombe, mpunda, nkolo ninga mbu’li, yi’lamudime ku’li’pa zingi' iv’i’li'.

5 "U’lu' muntu' wazidi’mi’la mitugo zyakwe mu mugu’nda gwakwe ninga mugu’nda gwakwe gwa mizabibu, na ku’zileku’li’la mitugo zidi’mi’zye mu mugu’nda gwa muntu' yu’ngi', yi’lamudime ku’li’pa viliwa visoga ku’fuma ku' mugu’nda gwakwe mweni’ki’li' ninga ku’fuma ku' mugu’nda gwakwe gwa mizabibu.

6 "U’lu' muntu' av’asye moto, nago gu’li’time itimba na ku’sambala mpaka ku’zigya matuntu ga viliwa vya v’antu' v’angi', ninga ku’zigya viliwa i’vyo vikaali' kwi’mbu’lwa, ninga mugu’nda gose gu’zige, wa ku’gu’v’asya moto gwenu’go yi’lamudime ali’pe musango gwenu’go.

7 "U’lu' muntu' amutu’u’li’zye muntu' mwiye feza ninga vintu' vingi', ali’vi vintu' vyeni’vyo viv’iwe mu lu’go lwa muntu' mwenu’yo, u’lu' mwiv’i igele yi’lamudime ku’li’pa kav’i’li'. 8 Ali’vi mwiv’i u’lu' waleka kwigela, haho musav’a nnumba yi’lamudime egele ha mbele yamwa Mulungu, ki’gele yigele nhana akav’ile hu' mwene wiv’aga nsawo ya mwiye.

9 "Ki’la igambo lya ku’pu’gana ku’nguno ya nsawo, li’v’e lya ng’ombe, mpunda, nkolo, mbu’li, vizwalo ninga lya ki’la ki’ntu' i’cho chatagi’kile, na ki’la yu’mo ali’yomba ati', ‘Yeni’yi' yi’li' nsawo yanne,’ igambo lyeni’li' lya v’antu' v’av’i’li' li’laletwe ha mbele yamwa Mulungu. U’yo Mulungu alayangu’le ku’v’a hu' mwene akenagu’lile, alamuli’pe mwiye kav’i’li'.

10 "U’lu' muntu' av’i’kye ku' mwiye mpunda, ng’ombe, nkolo, mbu’li, ninga mutugo gu’ngi', ki’gele amusu’ngi’le, na mutugo gwenu’go u’lu' gu’fwe, ninga ku’lumi’la, ninga ku’solwa bila muntu' ku’wona, 11 hohene v’antu' v’enav’a v’av’i’li' v’alalahi’le ha mbele yamwa Gu’ku' Mulungu ku’v’a mwenu’yo muntu' akav’ile mwiv’i wa nsawo ya mwiye. Musav’a mutugo gwenu’go yi’lamudime azumye igambo lyeni’li', haho ku’lav’e ku’du’hu' ndi’pi. 12 Ali’vi u’lu' mutugo gwenu’go gwiv’iwe ku' mwiye, yi’lamudime amuli’pe musav’a mutugo. 13 U’lu' gwenu’go mutugo gu’tandagu’lwe na ndimu zya mu ipolu, muntu' u’yo ndi' watu’u’li’ziwa yi’lamudime agu’lete ki’gele yi’v’e wu’sangi’lwa. Haho ku’lav’e ku’du’hu' ndi’pi ku’nguno ya mutugo gwa ku’tandagu’lwa.

14 "U’lu' muntu' watizya mutugo ku' mwiye, nago gu’vulali’ke ninga ku’fwa itungo i’lo musav’a mutugo ali’hadu’hu', yi’lamudime u’yo ndi' watizya ku’muli’pa mwiye. 15 Ali’vi u’lu' musav’a asangwe ali’ho ha mutugo, hohene u’yo wagu’tizizye akasye ali’pe ki’ntu'. U’lu' mutugo ndi' gwa ku’kodi, feza i’yo yali’pilwe ku' ku’kodi yi’lav’e yi’gelani’lile ku' ndi’pi ya mutugo.

Milagi' ku’nguno ya kikali’le

16 "U’lu' muntu' wamuhu’mbi’ka muhala u’yo akaali' ku’kwiwa, na ku’lala nawe, yi’lamudime ku’mukwa ki’gele av’e muki' wakwe. 17 Ali’vi ise wa muhala mwenu’yo u’lu' akaane kukuntu ku’mutozya u’yo muhala ku' muntu' mwenu’yo, ninga vyeni’vyo yi’lamudime muntu' mwenu’yo ku’li’pa nkwanwa i’yo yi’li’koov’iwa ku' mwaniki' u’yo akaali' muhala.

18 "Ku’du' u’muleke muki’ma mulogi azuwu’ke.

19 "Muntu' u’lu' alale na ndimu yi’lamudime awu’lagwe.

20 "Muntu' u’lu' amufumi’zye ki’taambo mulungu yu’ngi' ku’leka Gu’ku' Mulungu mweni’ki’li', yi’lamudime azimangu’ziwe.

21 "Ku’du' u’mwiwonelezye mugeni mwizi’li’zi ninga ku’mutusya, ku’nguno ninga inywe ndi' muli' v’ageni ku' nsi' ya Misili.

22 "Ku’du' u’muv’ezezye mav’i muki’ma mufwi’lwa ninga mwana wa nfuvi. 23 U’lu' u’v’av’ezezye mav’i v’enav’o, nav’o mbe v’andi’li’le ene, nhana ndadegeleke ki’li’lo chav’o. 24 Haho ki’sila channe ki’lapanki’le, nanne ndamuwu’lage inywe ku' lu’panga, v’aki' v’inywe v’alav’e v’afwi’lwa na v’ana v’inywe v’alav’e v’ana v’a nfuvi.

25 "U’lu' u’mukopisye hela yu’mo mugati' na v’antu' v’anne v’api’na, ku’du' u’v’e ki’ti' mukopisya ninga ku’du' u’mutonele wu’su’lu'. 26 U’lu' u’sole mwenda gwa muntu' mwiyo na ku’gu’tu’u’la mulehani, yi’li’ku’dima u’musu’v’i’zye aho lyu’v’a li’kaali' ku’loka, 27 ku’nguno gwenu’go gu’li' mwenda gwakwe gwinene gwa kwikumbi’la. Ninga U’li’wiganika wu’ziku' akwikumbi’la ki'? U’lu' andi’li’le ndadegeleke ki’li’lo chakwe, ku’nguno ene ni’na moyo gwa ki’sa.

28 "Ku’du' wize u’mutyomokele Mulungu, ninga ku’mufwizi’i’la mutemi wa v’antu' v’ako.

29 "Ku’du' wize u’v’e u’li’kendela ku’ndetela kalu’mbi’lo ka ntomolwa ya viliwa vyako, ki’neneko haki’mo na maguta ga muzeituni. Hangi' u’lampe ki’la muv’yalwa wako wa mbele wa ki’gosya. 30 U’lav’ezye vyeni’vyo na ku' ng’ombe zyako haki’mo na nkolo na mbu’li zyako. U’lav’e u’li’zileka ku’mwa nnina nsiku' mupungati', na lu’siku' lwa munane u’lanfumi’zye. 31 Na inywe mulav’e v’antu' v’asondo ku' wanne. Ku’nguno yeni’yo ku’du' mwize muv’e muli’lya nyama i’yo yi’tandagu’lilwe na ndimu ya mu ipolu. Nyama yeni’yo mulav’e muli’zipa mbwa.