Levítico 11

Ndimu zya zoma na nsoso

1 Haho Gu’ku' Mulungu wav’awi’laga Mose na Aloni ati', 2 "V’awi’li V’aizilaeli ati', ‘Mugati' na ndimu zyose i’zyo zili' ha igu’lya na nsi', i’zi hu' zyene muku’v’a muli’lya. 3 Ki’la ndimu i’yo yi’li' na vyu’ga vya wu’tandu’ke ku' magu’lu', na yi’li’bizu’ka, yeni’yo hu' yene mukowolile ku’lya. 4 Ninga vyeni’vyo, zili’ho ndimu i’zyo mukasye muv’e muli’lya mugati' na i’zyo zili’bizu’ka du' ninga i’zyo zili' na vyu’ga vya wu’tandu’ke du'. Ntwangawu’lende yi’li’bizu’ka ali’vi yi’li' wu’du’hu' vyu’ga. Yeni’yi' yi’li' zoma ku' winywe. 5 Mpelele yi’li’bizu’ka ali’vi yi’li' wu’du’hu' vyu’ga. Yeni’yi' yi’li' zoma ku' winywe. 6 Wu’ng’ando yi’li’bizu’ka, ali’vi yi’li' wu’du’hu' vyu’ga. Yeni’yi' yi’li' zoma ku' winywe. 7 Ngu’lu’v’e yi’li' na vyu’ga vya wu’tandu’ke, ali’vi yi’kav’ile ku’bizu’ka. Yeni’yi' yi’li' zoma ku' winywe. 8 Ndimu zyeni’zi zili' zoma ku' winywe. Nhana ku’du' mwize muv’e muli’lya nyama zyazyo ninga ku’zikuumya milambo zyazyo.

9 " ‘Mugati' na vitundwa vyose vya mu minzi' ga mu nyanza ninga mu myongo, mukowolile ku’lya i’vyo vili' na lu’gaala na magambala. 10 Ali’vi ki’la ki’tundwa mugati' na minzi' ga mu nyanza ninga myongo i’cho ki’li' wu’du’hu' lu’gaala ninga magambala, mugati' na madale ga vitundwa vido vido ninga mugati' na vitundwa vingi' i’vyo vili’wikala mugati' na minzi', cheni’cho ki’li' igayi’li’zyo ku' winywe. 11 Ku’nguno ki’li' zoma ku' winywe, ku’du' mwize muv’e muli’lya nyama yacho, ninga ku’gu’kuumya mulambo gwacho, ku’nguno gu’li' igayi’li’zyo ku' winywe. 12 Ki’la ki’tundwa i’cho ki’li’wikala mu minzi' nacho ki’li' wu’du’hu' magambala ninga lu’gaala ki’li' igayi’li’zyo ku' winywe.

13 " ‘Ku' lwandi' lwa nnoni i’zyo zili' igayi’li’zyo ku' winywe, ku’du' mwize muv’e muli’lya i’zi: nyandakayogo, mbesi, kalimba, 14 nyanda, ki’la mukoli gwa lu’v’ala, 15 ki’la mukoli gwa maku’ngu’u’lu', 16 nnongu, pu’lu', v’iliv’ili, 17 nsinhi, munandi', ifunfugu’lu', 18 nsu’lu’zi, nsinhi ya mu ibalangu', kasinzi, 19 nkololo, ki’la mukoli gwa mwelwe, ku’nda haki’mo na tu’nge.

20 " ‘Madudu gose ga manana na gali’yu’mba ha nsi', genago gali' igayi’li’zyo ku' winywe. 21 Ali’vi mugati' na madudu genago, mukowolile ku’lya ago gali' na masanto ga ku’dumu’ki’la ha igu’lya na nsi'. 22 Mugati' na madudu genago mukowolile ku’lya aga: ki’la mukoli gwa nzige, nsyenene na ndili na ki’la mukoli gwa ntololo. 23 Sumbwa madudu gangi' gose ago gali' na manana na gali’yu’mba ha nsi', genago gali' igayi’li’zyo ku' winywe.

24 " ‘Mulitu’u’li’le zoma ku' ndimu i’zi. Ki’la u’yo alakuumye milambo zyazyo alav’e na zoma mpaka mpi’ndi'. 25 Muntu' u’yo alasombe ki’ntu' ninga ki’mo mugati' na mulambo gwa vitundwa vyeni’vyo alav’e na zoma mpaka mpi’ndi', na yi’lamudime ku’vikanza vizwalo vyakwe.

26 " ‘Ki’la ndimu i’yo yi’li' wu’du’hu' vyu’ga vya wu’tandu’ke, ninga yi’kav’ile ku’bizu’ka, yeni’yo yi’li' zoma ku' winywe. Muntu' u’yo alakuumye mulambo gwayo alav’e na zoma mpaka mpi’ndi'. 27 Hangi' mugati' na ndimu zyose i’zyo zili' na magu’lu' ane, ali’vi zili' na mawundu, zyeni’zyo zili' zoma ku' winywe. Ki’la muntu' u’yo alazikuumye milambo zyazyo alav’e na zoma mpaka mpi’ndi'. 28 Muntu' ninga yu’mo u’yo alasombe milambo zyazyo yi’lamudime ku’vikanza vizwalo vyakwe, nawe alav’e na zoma mpaka mpi’ndi'. Ndimu zyeni’zyo zili' zoma ku' winywe.

29 " ‘Ku' lwandi' lwa vitundwa vingi' vya ku’yu’mba ha igu’lya na nsi', i’vi hu' vyene vili' zoma ku' winywe: Lonzi, ngoso, ki’la mukoli gwa mbu’lu', 30 ku’u’li', isandawu’lu', ki’gonigoni, mbu’lu’wu’lu' na lu’nvu. 31 Vyeni’vyo vyose vili' zoma ku' winywe. Muntu' u’yo alazikuumye milambo zyazyo alav’e na zoma mpaka mpi’ndi'. 32 Hangi' u’lu' yi’v’e mugati' na vitundwa vyeni’vyo ki’mo ki’fwe na ku’gwi’la ha igu’lya na ki’ntu' ninga ki’mo, i’cho ki’lagwi’lwe ki’lav’e na zoma, ninga ki’v’e ki’v’eziv’ilwe ku' muti', mwenda, ndi’li' ninga iguni’la, hangi' ninga ki’v’e cha ku’tu’mami’la muli’mo ninga gu’mo. Yi’li’mudima ku’ki’tu’u’la mu minzi', nacho ki’lav’e na zoma mpaka mpi’ndi', haho ki’lav’e chav’a ki’soso. 33 U’lu' ki’tundwa cha wu’fwe ki’gwi’le mu ki’seme cha nnungu', hohene ki’ntu' ninga ki’mo i’cho ki’lav’e mwenu’mo ki’lav’e na zoma, na cheni’cho ki’seme yi’lamudime ku’ki’v’ela. 34 Ki’la ki’liwa i’cho ki’liti’lwe minzi' ga ku’fuma mu ki’seme cheni’cho ki’lav’e na zoma, na ki’la ki’ntu' cha ku’nywiwa i’cho ki’lav’e mu ki’seme cheni’cho, ki’lav’e na zoma. 35 Ki’la ki’ntu' i’cho ki’lagwi’lwe na ki’ntu' ninga ki’mo mugati' na mulambo gwenu’go ki’lav’e na zoma. Yi’v’e liko ninga nnungu' ya ku’tekela, yi’lamudime ku’viv’ela. Vilav’e na zoma, navyo vili' zoma ku' winywe. 36 Ali’vi lwinzi' ninga kasela ka minzi' vikasye viv’e na zoma, ali’vi muntu' ninga yu’mo u’yo alakuumye mulambo u’go gu’li' mu minzi' alav’e na zoma. 37 U’lu' ki’ntu' ninga ki’mo mugati' na mulambo ki’gwi’le ha igu’lya na mbutoo, mbutoo yeni’yo yi’kasye yi’v’e na zoma. 38 Ali’vi u’lu' mbiyu' zyeni’zyo ziv’e zilov’ekilwe mu minzi' na ki’ntu' ninga ki’mo mugati' na mulambo ki’gwi’le ha igu’lya yazyo, mbiyu' zyeni’zyo zilav’e na zoma.

39 " ‘Ndimu i’yo muzumi’ziv’ilwe ku’yi’lya u’lu' yifwi’le, u’yo alagu’kuumye mulambo gwayo alav’e na zoma mpaka mpi’ndi'. 40 Ki’la muntu' u’yo alalye nyama ya mulambo gwenu’go yi’lamudime avikanze vizwalo vyakwe, nawe alav’e na zoma mpaka mpi’ndi'. Hangi' ki’la muntu' u’yo alagu’sombe mulambo gwenu’go yi’lamudime avikanze vizwalo vyakwe, nawe alav’e na zoma mpaka mpi’ndi'.

41 " ‘Hangi' ki’la ki’tundwa ki’do ki’do i’cho ki’li’yu’mba ha igu’lya na nsi' ki’li' igayi’li’zyo. Nhana ku’du' mwize muki’lye. 42 Ki’la ki’tundwa ki’do ki’do i’cho ki’li’yu’mbi’la nda yalyo, na ki’la i’cho ki’li’yu’mbi’la magu’lu' ane, ninga i’cho ki’li’yu’mbi’la magu’lu' mingi, yaani vitundwa vyose i’vyo vili’yu’mba ha igu’lya na nsi', nhana ku’du' mwize muvilye ku’nguno vili' igayi’li’zyo. 43 Ku’du' mwize mwitu’u’li’le igayi’li’zyo ku' ku’lya vitundwa vyeni’vyo, ninga ku’du' mwize muziv’ezye myoyo zinywe ku’v’a na zoma ku’nguno yavyo. 44 Ku’nguno ene hu' ni' Gu’ku' Mulungu, Mulungu winywe. Mwisondohye muv’e v’asondo, ku’nguno ene ni' musondo. Ku’du' mwiv’ezezye zoma inywe v’eni’ki’li' ku' ki’tundwa ki’do ki’do ninga ki’mo cha ku’yu’mba ha igu’lya na nsi'. 45 Ene hu' ni' Gu’ku' Mulungu u’yo namufumizye ku' nsi' ya Misili ki’gele mbe Mulungu winywe. Ku’nguno yeni’yo muv’e v’asondo, ku’nguno ene ni' musondo.

46 " ‘Yeni’yo hu' nhama ku’nguno ya ndimu, nnoni na ki’la ki’tundwa cha myu’ye ya wu’panga i’cho ki’li' mu minzi' ninga i’cho ki’li’yu’mba ha igu’lya na nsi'. 47 Yi’li’mudima ku’lekania mugati' na i’cho ki’li' ki’soso na i’cho ki’li' zoma, na mugati' na vitundwa vya myu’ye ya wu’panga i’vyo vikowolile ku’liwa na i’vyo vikakowoleka ku’liwa.’ "