1 " ‘Itungo i'lo muntu' alav'e ali'leta mbutoo ku'v'a kalu'mbi'lo ku'mwa Gu'ku' Mulungu, yi'ladime kalu'mbi'lo kakwe kav'e ka wu'fuma wu'nelezu. Alapu'ngu'li'le maguta ga muzeituni na ku'tu'u'la wu'vumba ha igu'lya yawo, 2 nawe alawu'file ku' v'ahozya, v'ana v'amwa Aloni v'a ki'gosya. Muhozya alasole iganza li'mo lya wu'fuma wu'nelezu, u'wo wu'li' na maguta, haki'mo na wu'vumba wose, na ku'wu'zigya ha igu'lya na ihozezyo ki'gele wu'v'e ku'nguno ya ako kalu'mbi'lo kose. Kenako kali' kalu'mbi'lo ka ku'zigya ako kali' na wu'motu wa ku'mutogezya Gu'ku' Mulungu. 3 Lwandi' u'lo lu'lasigali'le lwa kalu'mbi'lo kenako lu'lav'e lwamwa Aloni na v'ana v'akwe. Lwenu'lo lu'li' lwandi' lu'sondo muno lwa kalu'mbi'lo ka ku'zigya kamwa Gu'ku' Mulungu.

4 " ‘U'lu' muntu' ali'mufumi'zya Mulungu mbutoo zya wu'komelwe mu liko ku'v'a kalu'mbi'lo, yi'ladime kav'e ka migate zya wu'fuma wu'nelezu u'wo wu'seleganiv'ilwe na maguta, ninga migate milelemazu i'zyo zikatumba na ziv'ililwe maguta. 5 Hangi' kalu'mbi'lo ako alafumye u'lu' ka migate i'zyo zikomelilwe mu ki'kalango, kenako kalav'e ka wu'fuma wu'nelezu, u'wo wu'seleganiv'ilwe na maguta ga muzeituni, u'wo wu'li' wu'du'hu' itumbyo. 6 Migate zyeni'zyo alazimegulanie na ku'pu'ngu'li'la maguta ha igu'lya yazyo. Kenaka kali' kalu'mbi'lo ka mbutoo. 7 U'lu' kalu'mbi'lo kakwe ka mbutoo kav'e ka ku'kalangwa mu ki'kalango, kalav'e ka wu'fuma wu'nelezu na maguta. 8 Alalete kalu'mbi'lo ka mbutoo i'zyo ziv'eziv'ilwe na vintu' vyeni'vyo ku'mwa Gu'ku' Mulungu. Alamupe muhozya na hu' mwene alavifile ha ihozezyo. 9 Hangi' muhozya alasole mwenu'mo lwandi' lwa kalu'mbi'lo ka mbutoo kav'e ku'nguno ya kalu'mbi'lo kose, na ku'kazigya ha igu'lya na ihozezyo. Kenako kali' kalu'mbi'lo ka ku'zigya ako kali' na wu'motu wa ku'mutogezya Gu'ku' Mulungu. 10 Lwandi' lwa kalu'mbi'lo kenako u'lo lu'lasigali'le lu'lav'e lwamwa Aloni na v'ana v'akwe. Lwenu'lo lu'li' lwandi' lu'sondo muno lwa kalu'mbi'lo ka ku'zigya kamwa Gu'ku' Mulungu. 11 Ki'la kalu'mbi'lo ka mbutoo ako muntu' alalete ku'mwa Gu'ku' Mulungu, yi'lamudime aviv'ezye viv'e vili' wu'du'hu' itumbyo, ku'nguno yi'kakoov'iwa ku'zigya itumbyo ninga wu'ki' ku' kalu'mbi'lo ka ku'zigya kamwa Gu'ku' Mulungu. 12 Akowolile ku'vileta ku'mwa Gu'ku' Mulungu ku'v'a kalu'mbi'lo ka ntomolwa ya viliwa. Ali'vi vikakowola ku'fumiwa ha igu'lya na ihozezyo ku'v'a wu'motu wa ku'togezya.

13 " ‘Hangi' alalu'nge munyu mu mbutoo zyose zya kalu'mbi'lo kakwe. Ku'du' ize aleke ku'lu'nga munyu mu mbutoo ya kalu'mbi'lo kakwe. Alati'ti'le munyu mu kalu'mbi'lo kako kose ku'nguno gwenu'go gu'li' lu'manyi'lo lwa ilagano lyamwa Mulungu haki'mo na inywe.

14 " ‘Itungo i'lo alav'e ali'mufumi'zya Gu'ku' Mulungu ntomolwa ya viliwa ku'v'a kalu'mbi'lo, alafumye ngala zya mbutoo zyavyo zya wu'komelwe ha moto, i'zyo zihalalilwe. 15 U'lati'ti'le maguta ga muzeituni na wu'vumba ha igu'lya yako. Kenako kali' kalu'mbi'lo ka mbutoo. 16 Nawe muhozya alazigye lwandi' lwa mbutoo i'zyo zihalalilwe, haki'mo na lwandi' lwa maguta na wu'vumba wose, ku'v'a ku'nguno ya kalu'mbi'lo kose. Kenako kali' kalu'mbi'lo ka ku'zigya ku'mwa Gu'ku' Mulungu.’ "