Levítico 4

Ki’taambo cha ku’sini’zya wu’kenagu’zi

1 Gu’ku' Mulungu wamuwi’laga Mose ati', 2 "U’v’awi’le V’aizilaeli ati', ‘U’lu' muntu' av’ezye wu’kenagu’zi bila ku’loma, ku' ku’v’ezya ki’ntu' i’cho ki’giziv’ilwe na nhama yamwa Gu’ku' Mulungu, alav’ezye i’vi:

3 " ‘Ku' lwandi' lwa muhozya muhanya, u’lu' ize av’ezye wu’kenagu’zi na ku’v’alengela v’antu' musango, yi’lamudime ku’mufumi’zya Gu’ku' Mulungu ng’ombe nzagamba i’yo yi’li' wu’du’hu' wu’lema, yi’v’e ki’taambo cha ku’sini’zya wu’kenagu’zi. 4 Alayi’lete ng’ombe yeni’yo bi’hi' na wingi’li’lo wa Ihema lya Ku’sangi’zya ha mbele yamwa Gu’ku' Mulungu. Alatu’u’le mukono gwakwe ha igu’lya na mutwe gwa ng’ombe yeni’yo, na ku’yi’si’nzi’la henanho. 5 Hangi' mwenu’yo muhozya muhanya alasole lwandi' lwa magazi ga ng’ombe yeni’yo, na kwingi’la nago mu Ihema lya Ku’sangi’zya. 6 Aladobye lyala lyakwe mu magazi genago, na ku’nyanyagi’la ha mbele yamwa Gu’ku' Mulungu kali' mupungati', ha mbele ya muki’ngo gwa mugati' gwa hantu' hasondo. 7 Hangi' muhozya alasole lwandi' lwa magazi genago na ku’v’ila ku' mapembe ga ihozezyo lya ku’zuki’zya wu’bani wu’motu ha mbele yamwa Gu’ku' Mulungu mu Ihema lya Ku’sangi’zya. Magazi ago galasigali’le alagite ha nsi’li’li' na ihozezyo lya ku’zigi’zya vitaambo, bi’hi' na wingi’li’lo wa Ihema lya Ku’sangi’zya. 8 Hangi' alagasinie maguta ga ng’ombe yeni’yo: lu’sasa lose, maguta ago gali' mu nda, 9 nfigo zyose iv’i’li' na maguta gazyo ago gali' bi’hi' na muki’mbi’li', na lwandi' lu’soga lwa iti’ma, 10 ki’ti' i’vyo maguta gali’siniv’agwa ku’fuma ku' ng’ombe i’yo yi’li’fumiwa ki’taambo cha kwiswanania. Hangi' muhozya alavizigye ha igu’lya na ihozezyo lya ku’zigi’zya vitaambo. 11 Ali’vi ndi’li' ya ng’ombe yeni’yo, nyama zyayo zyose, mutwe, magu’lu' gayo, vikono vyayo, wu’la na wu’se wayo, 12 yaani ng’ombe ngima i’yo yi’li’sigala, alayi’file na ku’kayi’zigya ha ibala na nkambi' ha hantu' hasoso aho gali’witi’lagwa matunde, nawe alayi’time moto ha igu’lya na nkwi i’zyo zili' ha igu’lya na ituntu lya matunde.

13 " ‘Ku' lwandi' lwa iv’ilingano lyose lya V’aizilaeli, u’lu' v’ize v’av’ezye wu’kenagu’zi bila ku’manya, ku' ku’v’ezya ki’ntu' i’cho ki’giziv’ilwe na nhama yamwa Gu’ku' Mulungu, ku’nguno ya igambo lyeni’lo v’alav’e na musango. 14 Aho v’alav’e v’amanya wu’kenagu’zi u’wo v’awu’v’ezyaga, haho iv’ilingano lyose yi’lav’adime ku’fumya ng’ombe nzagamba yi’v’e ki’taambo cha ku’sini’zya wu’kenagu’zi na ku’yi’leta ha mbele ya Ihema lya Ku’sangi’zya. 15 V’anamala v’a iv’ilingano v’alatu’u’le makono gav’o ha igu’lya na mutwe gwa ng’ombe yeni’yo, hangi' v’alayi’si’nze ha mbele yamwa Gu’ku' Mulungu. 16 Hangi' muhozya muhanya alasole lwandi' lwa magazi ga ng’ombe yeni’yo na kwingi’la nago mu Ihema lya Ku’sangi’zya. 17 Aladobye lyala lyakwe mu magazi genago na ku’nyanyagi’la ha mbele yamwa Gu’ku' Mulungu kali' mupungati', ha mbele ya muki’ngo gwa mugati'. 18 Hangi' muhozya alasole lwandi' lwa magazi genago na ku’v’ila ku' mapembe ga ihozezyo i’lo li’li' ha mbele yamwa Gu’ku' Mulungu mu Ihema lya Ku’sangi’zya. Magazi ago galasigali’le alagite ha nsi’li’li' na ihozezyo lya ku’zigi’zya vitaambo, bi’hi' na wingi’li’lo wa Ihema lya Ku’sangi’zya. 19 Maguta gose ga ng’ombe yeni’yo alagasinie na ku’gazigya ha igu’lya na ihozezyo, 20 nawe alayi’v’ezye ng’ombe yeni’yo ki’ti' i’vyo wayi’v’ezizye ng’ombe i’yo yi’ngi' ya ki’taambo cha ku’sini’zya wu’kenagu’zi wakwe mweni’ki’li'. Ku' nzi’la yeni’yi' muhozya alav’av’ezezye v’antu' wu’swanano, nav’o v’alatondolwe. 21 Hangi' alayi’sole ng’ombe yeni’yo na alayi’file ha ibala na nkambi' na ku’yi’zigya ki’ti' i’yo yi’ngi'. Cheni’cho ki’li' ki’taambo cha ku’sini’zya wu’kenagu’zi ku’nguno ya iv’ilingano.

22 " ‘Ku' lwandi' lwa mutemi, u’lu' ize av’ezye wu’kenagu’zi bila ku’loma, ku' ku’v’ezya ki’ntu' i’cho ki’giziv’ilwe na nhama yamwa Gu’ku' Mulungu, Mulungu wakwe, mutemi mwenu’yo alav’e na musango. 23 Aho alav’e wawi’lwa wu’kenagu’zi wakwe, yi’lamudime ku’leta mbu’li ngulati' i’yo yi’li' wu’du’hu' wu’lema yi’v’e ki’taambo chakwe. 24 Alatu’u’le mukono gwakwe ha igu’lya na mutwe gwa mbu’li yeni’yo na ku’yi’si’nzi’la aho vili’si’nzi’lagwa vitaambo vya ku’zigya ha mbele yamwa Gu’ku' Mulungu. Cheni’cho ki’li' ki’taambo cha ku’sini’zya wu’kenagu’zi. 25 Hangi' muhozya alasole magazi ga ki’taambo cheni’cho, aladobye ku' lyala lyakwe na ku’v’ila ku' mapembe ga ihozezyo lya ku’zigi’zya vitaambo. Magazi ago galasigali’le alagite ha nsi’li’li' na ihozezyo. 26 Alagazigye maguta gose ha igu’lya na ihozezyo, ki’ti' i’vyo ali’gazigyaga maguta ga vitaambo vya kwiswanania. Ku' nzi’la yeni’yo muhozya alamuv’ezezye wu’swanano mutemi mwenu’yo ku’nguno ya wu’kenagu’zi wakwe, nawe alatondolwe.

27 " ‘Ku' lwandi' lwa v’antu' v’angi', u’lu' muntu' yu’mo mugati' nav’o ize av’ezye wu’kenagu’zi bila ku’loma na av’ezye ki’ntu' i’cho ki’giziv’ilwe na nhama yamwa Gu’ku' Mulungu, muntu' mwenu’yo alav’e na musango. 28 Aho alav’e wawi’lwa wu’kenagu’zi wakwe, yi’lamudime ku’leta mbu’li nki’ma i’yo yi’li' wu’du’hu' wu’lema ku’v’a ki’taambo chakwe ku’nguno ya wu’kenagu’zi u’wo wawu’v’ezizye. 29 Alatu’u’le mukono gwakwe ha igu’lya na mutwe gwa mbu’li yeni’yo ya ku’sini’zya wu’kenagu’zi na ku’yi’si’nzi’la aho ha ku’zigi’zya vitaambo. 30 Hangi' muhozya alasole magazi ga ki’taambo cheni’cho, aladobye ku' lyala lyakwe na ku’v’ila ku' mapembe ga ihozezyo lya ku’zigi’zya vitaambo. Magazi ago galasigali’le alagite ha nsi’li’li' na ihozezyo. 31 Maguta gose ga mbu’li yeni’yo galasiniwe ki’ti' i’vyo gali’siniv’agwa maguta ga vitaambo vya kwiswanania, nawe muhozya alagazigye ha ihozezyo, gav’e wu’motu wa ku’mutogezya Gu’ku' Mulungu. Ku' nzi’la yeni’yo muhozya alamuv’ezezye wu’swanano muntu' mwenu’yo, nawe alatondolwe.

32 " ‘Mbe muntu' mwenu’yo alete kadi’lana ka nkolo ku’v’a ki’taambo chakwe cha ku’sini’zya wu’kenagu’zi, hohene alalete nki’ma i’yo yi’li' wu’du’hu' wu’lema. 33 Alatu’u’le mukono gwakwe ha igu’lya na mutwe gwa nkolo yeni’yo ya ku’sini’zya wu’kenagu’zi, na ku’yi’si’nzi’la aho v’ali’si’nzi’laga ndimu zya vitaambo vya ku’zigya. 34 Hangi' muhozya alasole magazi ga ki’taambo cheni’cho, aladobye ku' lyala lyakwe na ku’v’ila ku' mapembe ga ihozezyo lya ku’zigi’zya vitaambo. Magazi ago galasigali’le alagite ha nsi’li’li' na ihozezyo. 35 Maguta gose galasiniwe, ki’ti' i’vyo gali’siniv’agwa maguta ga nkolo zya vitaambo vya kwiswanania, nawe muhozya alagazigye ha ihozezyo, ha igu’lya na kalu’mbi’lo ka ku’zigya ku’mwa Gu’ku' Mulungu. Ku' nzi’la yeni’yo muhozya alamuv’ezezye wu’swanano ku' wu’kenagu’zi u’wo wawu’v’ezizye, nawe alatondolwe.