Levítico 22

Milagi' ku’nguno ya kalu’mbi’lo kasondo

1 Gu’ku' Mulungu wamuwi’laga Mose, 2 "U’muwi’le Aloni na v’ana v’akwe v’a ki’gosya v’av’e na lu’doono ku' kalu’mbi’lo kasondo ako V’aizilaeli v’ali’nsondohezya, ki’gele ku’du' v’ali’yagazye lina lyanne isondo. Ene hu' ni' Gu’ku' Mulungu.

3 "U’v’awi’le ati', ‘Ku' wu’v’yalwa winywe haki’mo na wu’v’yalwa u’wo wu’lalonde ku' wav’o, u’yo alegele ha kalu’mbi’lo kasondo ako V’aizilaeli v’ali’nsondohezya, ene Gu’ku' Mulungu, ku’no ali' na zoma, muntu' mwenu’yo alakomwe aleke ku’v’a ha mbele yanne. Ene hu' ni' Gu’ku' Mulungu.

4 " ‘U’lu' muntu' wa wu’v’yalwa wamwa Aloni ali' na wu’lwile wa ndi’li' ninga ali’fumya wu’fila, ku’du' ize alye ki’ntu' mugati' na visondo mpaka aho alav’e wasosoka. Hangi' muntu' u’yo alaki’kuumye ki’ntu' ninga ki’mo i’cho ki’li' na zoma ya ku’kuumya mulambo, ninga muntu' u’yo zilamufume mbiyu' zyakwe, 5 ninga u’yo alakuumye ki’tundwa ki’do ki’do cha ku’muv’ezya av’e na zoma, ninga muntu' wa ku’muv’ezya av’e na zoma ku' zoma ninga yi’mo i’yo ali' nayo, 6 muntu' mwenu’yo u’yo alakuumye ki’ntu' ninga ki’mo cha mukoli gwenu’go, alav’e na zoma mpaka mpi’ndi'. Ku’du' ize alye ki’ntu' ki’sondo mpaka aho alav’e woga mu minzi'. 7 Lyu’v’a aho li’lav’e lyaloka alav’e wasosoka. Haho akowolile ku’lya kalu’mbi’lo kasondo, ku’nguno ki’li' ki’liwa chakwe. 8 Muhozya ku’du' ize alye nyama ya wifwi’le yeni’ki’li' ninga i’yo yi’tandagu’lilwe na ndimu ya mu ipolu. Alav’e witu’u’li’la zoma ku' lyeni’lo. Ene hu' ni' Gu’ku' Mulungu.

9 " ‘Yi’li’v’adima v’ahozya ku’zidoonoka nhama zyanne ki’gele ku’du' v’av’e na musango, na ku’du' v’afwe ku’nguno ya ku’ziv’engelezya. Ene ni' Gu’ku' Mulungu wa ku’v’asondohya.

10 " ‘Muntu' u’yo akav’ile wa igongo lya muhozya akazumi’ziwa ku’lya ki’liwa ki’sondo. Av’e mutu’mami ninga mugeni wa muhozya akazumi’ziwa ku’lya. 11 Ali’vi u’lu' muhozya wamugu’la musese ku' hela zyakwe ninga musese av’yali’lwe mu lu’go lwa muhozya mwenu’yo, musese mwenu’yo akowolile ku’lya ki’liwa cha muhozya. 12 U’lu' mwaniki', mwana wamwa muhozya, atoolilwe na muntu' u’yo akav’ile muhozya, mwenu’yo akazumi’ziwa ku’lya ki’ntu' ninga ki’mo cha kalu’mbi’lo kasondo. 13 Ali’vi u’lu' mwaniki', mwana wamwa muhozya, wafwi’lilwe na mugosi ninga walekilwe na mugosi, na ali' wu’du’hu' v’ana, na wasu’v’ile ku’mwa ise u’ko wikalage aho ndi' akaali' muhala, mwaniki' mwenu’yo ali’zumi’ziwa ku’lya cheni’cho ki’liwa chamwa ise. Ali’vi muntu' u’yo akav’ile wa igongo lya muhozya akazumi’ziwa ku’lya ki’liwa cheni’cho.

14 " ‘U’lu' muntu' yu’ngi' ize alye ki’liwa ki’sondo ku' ku’leka ku’manya, yi’lamudime ku’fumya masumule na kongezya lwandi' lwa wu’tano lwa mupango gwa ki’liwa cheni’cho, nawe alamupe muhozya. 15 V’ahozya ku’du' v’ize v’aki’tu’u’li’le zoma ki’liwa ki’sondo i’cho V’aizilaeli v’amufumi’zizye Gu’ku' Mulungu, 16 ku' ku’v’azumi’zya ku’lya ki’liwa chav’o ki’sondo na ku’v’alengela wu’kenagu’zi na musango. Ene hu' ni' Gu’ku' Mulungu wa ku’v’asondohya v’ahozya.’ "

Vitaambo i’vyo vizumiv’ilwe

17 Gu’ku' Mulungu wamuwi’laga Mose, 18 "U’v’awi’le Aloni na v’ana v’akwe v’a ki’gosya, na V’aizilaeli v’ose, ati', ‘U’lu' yu’mo mugati' na inywe, Muizilaeli ninga mugeni mwizi’li’zi u’yo ikalile mu nsi' ya Izilaeli, afumye ki’taambo cha ku’zigya ku’mwa Gu’ku' Mulungu, yi’v’e ku' ki’lu’mbo ninga kalu’mbi’lo ka ku’togwa, 19 alafumye ndimu ngosya i’yo yi’li' wu’du’hu' wu’lema, yi’v’e ng’ombe, mbu’li, ninga nkolo, ki’gele ki’zumiwe ku’nguno yakwe. 20 Ali’vi ndimu i’yo yi’li' na wu’lema ku’du' ize afumye, ku’nguno yi’kasye yi’zumiwe ku’nguno yakwe. 21 Muntu' u’yo alamufumi’zye Gu’ku' Mulungu ki’taambo cha kwiswanania cha ng’ombe, nkolo ninga mbu’li, ki’gele ku’gelani’zya ki’lu’mbo ninga kalu’mbi’lo ka ku’togwa, yi’lamudime ku’leta i’yo yi’li' wu’du’hu' wu’lema ki’gele yi’zumiwe. 22 Ku’du' u’mufumi’zye Gu’ku' Mulungu ndimu i’yo yi’hofulile, ninga ya ki’tewe, i’yo yi’vuni’kile ki’v’alango, i’yo yi’li' na wu’landi, ninga wu’kuukulu, ninga malonda ago gali’fumya wu’fila. Ndimu ya vyeni’vyo ku’du' u’yi’fumye ku’v’a kalu’mbi’lo ka ku’zigya ha ihozezyo lyamwa Gu’ku' Mulungu. 23 Ali’vi u’kowolile ku’fumya ng’ombe ninga nkolo i’yo yi’li' na ki’v’alango ki’lihu ninga ki’guhi' ku’ki’la vingi' ku’v’a ki’taambo cha ku’togwa, ali’vi ku' ki’taambo cha ki’lu’mbo yi’kasye yi’zumiwe. 24 Ku’du' wize u’mufumi’zye Gu’ku' Mulungu ndimu i’yo yi’bov’elile mpese zyayo zya ki’gosya, ziv’e zitunilwe, ziv’elekile ninga ziputilwe. Ku’du' wize u’v’ezye vyeni’vyo mu nsi' yinywe. 25 Ku’du' wize u’zumye ku’sola ndimu zya vyeni’vyo ku’fuma ku' mugeni na ku’mufumi’zya Mulungu wako kalu’mbi’lo ka viliwa. Ndimu ki’ti' zyeni’zyo zikasye zizumiwe ku’nguno yako, ku’nguno zili' na wu’lema.’ "

26 Gu’ku' Mulungu wamuwi’laga Mose, 27 "Itungo lya ku’wu’twa ng’ombe, nkolo ninga mbu’li, yi’lasigale na nnina ku' itungo lya nsiku' mupungati'. Ali’vi kwandi’zya lu’siku' lwa munane na kwendeleya yi’zumiv’ilwe ku’fumiwa ku’v’a kalu’mbi’lo ka ku’zigya ku’mwa Gu’ku' Mulungu. 28 Hangi' ku’du' u’yi’si’nze ng’ombe na ndama yakwe ninga nkolo na kadi’lana kakwe ku' lu’siku' lu’mo.

29 "Aho u’lav’e u’li’nfumi’zya ene Gu’ku' Mulungu ki’taambo cha ku’lu’mba, u’lanfumi’zye ku' nzi’la ya ku’v’ezya u’zumiwe. 30 Ndimu yeni’yo yi’laliwe lu’siku' lwene lu’lo. Ku’du' wize u’sigazye ki’ntu' ninga ki’mo mpaka wangalu’ke ndiyu'. Ene hu' ni' Gu’ku' Mulungu.

31 "Yi’li’mudima ku’zidima nhama zyanne na ku’zilonda. Ene hu' ni' Gu’ku' Mulungu. 32 Ku’du' muli’yagazye lina lyanne isondo. Ndasondohiwe ene mugati' na v’antu' v’a Izilaeli. Ene hu' ni' Gu’ku' Mulungu wa ku’musondohya. 33 Ene hu' namufumizye ku' nsi' ya Misili ki’gele mbe Mulungu winywe. Ene hu' ni' Gu’ku' Mulungu."