1 وهاذي هي لائحة اسامي أولاد عيسو اللي ملقب بأدوم. 2 اتخيم عيسو من امنات كنعان اللي هوماتي: عدا منت إيلون الحيثي وأهوليبامة منت عنّا اللي جدها صبعون الحوي. 3 واتخيم املي امع بسمة منت عمو إسماعيل خت نبايوت. 4 وخلات عدا لعيسو أليفاز وخلاتلو بسمة رعوئيل. 5 وأهوليبامة خلاتلو يعوش ويعلام وقورح، وهاذو هوما أولاد عيسو اللي خلڮولو فارض كنعان.

6 واڮبظ عيسو اعلياتو وأولادو وامناتو وأهل دارو كاملين وغنمو و حيوانو كامل اللي اجمعهم فارض كنعان وارحل شور ابليدة اخرا ابعيد عن خوه النبي يعقوب 7 بيهلي من كثرة أملاكهم عادت لارض ما اتڮد ترفدهم لأثنين، ولا ڮدت املي لارض اللي اتغربو فيها تكفيهم اياك يرعاو فيها اغنمهم. 8 واسكن عيسو اللي ملقب بأدوم فكدية سعير.

9 وهاذي هي لائحة أولاد عيسو، بو لأدوميين اللي كان ساكن فكدية سعير. 10 وهاذو هوما اسامي أولاد عيسو: أليفاز ول عدا اعيال عيسو ورعوئيل ول بسمة اعيال عيسو.

11 وأولاد أليفاز هوما تيمان وأومار وصفو وجعثام وقناز. 12 وكانت تمناع خادم لأليفاز ول عيسو وخلات لأليفاز عماليق.

وهاذو هوما أولاد عدا اعيال عيسو.

13 وأولاد رعوئيل هوما نحث وزارح وشمة ومزة.

وهوما كاملين أولاد بسمة اعيال عيسو.

14 وهاذو هوما أولاد أهوليبامة اعيال عيسو منت عنا منت اللي جدها صبعون: وهي خلات لعيسو يعوش ويعلام وقورح. 15 وهاذو هوما اشيوخ قبايل أولاد عيسو: من أولاد أليفاز اللي هو بكر عيسو، تيمان وأومار وصفو وقناز 16 وقورح وجعثام وعماليق. هاذو هوما اشيوخ القبايل اللي جايين من نسل أليفاز فارض أدوم وهوما من ذرية عدا اعيال عيسو.

17 وهاذو هوما اشيوخ قبايل أولاد رعوئيل ول عيسو: نحث وزارح وشمة ومزة. وهاذو هوما اشيوخ القبايل اللي جايين من نسل رعوئيل فارض أدوم وهوما من ذرية بسمة اعيال عيسو. 18 وهاذو هوما أولاد أهوليبامة اعيال عيسو، وهوما اشيوخ: يعوش ويعلام وقورح وهوما اشيوخ القبايل اللي جايين من أهوليبامة اعيال عيسو. 19 هاذو هوما أولاد عيسو اللي هو أدوم وهاذو هوما اشيوخ قبايلهم.

20 وهاذو هوما أولاد سعير الحوري وهوما اشيوخ القبايل اللي كانو ساكنين سعير سابڮهم: لوطان وشوبال وصبعون وعنا 21 وديشون وإيصر وديشان. هاذو هوما اشيوخ قبايل الحوريين من أولاد سعير اللي ساكنين فارض أدوم. 22 وأولاد لوطان هوما حوري وهيمام وتمناع اللي هي خت لوطان. 23 وهاذو هوما أولاد شوبال: علوان ومناحة وعيبال وشفو وأونام. 24 وأولاد صبعون هوما أية وعنا، وعنا هو اللي اعثر اعلى عين الما الحامية فالخلوات فالوقت اللي كان يراعا فيه احمير بوه صبعون. 25 وخلڮو لعنّا، ديشون ومنتو أهوليبامة. 26 وأولاد ديشون هوما حمدان وأشبان ويثران وكران. 27 وأولاد إيصر هوما بلهان وزعوان وعقان. 28 وأولاد ديشان هوما عوص وأران. 29 وهاذو هوما اشيوخ قبايل الحوريين: لوطان وشوبال وصبعون وعنّا 30 وديشون وإيصر وديشان. وهاذو هوما اشيوخ قبايل الحوريين حسب قبايلهم اللي ساكنين فارض سعير.

31 وهاذو هوما الملوك اللي حكمو ارض أدوم سابڮ يعود فيها ملك فإسرائيل: 32 بالع ول بعور املك فأدوم وكان اسم مدينتو دنهابة. 33 ومات بالع وخلفو يوباب ول زارح اللي من البُصرة. 34 ومات يوباب وخلفو حوشام اللي من ارض التيماني. 35 ومات حوشام وخلفو هداد ول بداد اللي اغلب المديانيين فارض مؤاب. واسم مدينتو هو عويت. 36 ومات هداد وخلفو سملة اللي من مسريقة. 37 ومات سملة وخلفو شأول من رحوبوت اللي اعلى حاشية النهر. 38 ومات شأول وخلفو بعل حانان ول عكبور. 39 ومات بعل حانان وخلفو هدار واسم مدينتو فاعو وكانت اعيالو مهيطبئيل منت مطرد منت راجل اسمو ماء الذهب. 40 وهاذو هوما اسامي اشيوخ القبايل اللي متفرعين من ذرية عيسو حسب قبايلهم اللي رفدو اساميهم: اشيوخ تمناع وعلوة ويتيت 41 وأهوليبامة وإيلة وفينون 42 وقناز وتيمان ومبصار 43 ومجديئيل وعيرام. وهاذو هوما اشيوخ أدوم حسب بل امنين ساكنين فيه فلارض اللي ملكوها، وهوما كاملين من ذرية عيسو بو لأدوميين.