यहेजकेल 24

डेसकान किस्सो

1 ✝ 24:1 2 राजा 25:1; यिर्मया 52:4 नोव्वा वोरह्यान, दोहवा मोयनान दोहवे दिह, बोगवानान ज्य वचन मार फाय पोचनो, 2 "एय माणहान सोरा, आजीन दिह्याह लेखीन मेल, काहाकाय आजीन दिह्याह, बाबेलान राजा यरूशलेमाह कोंडीन मिलेल हे। 3 ज्या राड़कुटा गेराणाह ज्यो किस्सो के, बोगवान यहोवा इही किथे,

"डेचक्याह आक्‍ठा पोर मेल दिवो;

एने ता माय पाणी टाक दिवो।

4 ता माय माहान हाज हाजा बुथा टाको,

जांग एने खांदा हाज हाजा डेचक्या माय बोर दिवो।

5 टोला माय रेन आखाम रेन हाजा जेनवेराह लेन

ता आड़ाह डेचक्यान बुंदे डिग किरो,

एने ताह हास केरीन चुड़ावो काय माय वाला

आड़े बी चुड़ जाती।"

6 केरीन बोगवान यहोवा इही किथे, "हाय ता खुनी हेयरा पोर! हाय ता डेचक्या पोर जान माह ता माय बुणेल हे एने सुटनो नाह; ता माय रेन बुथा बुथा केरीन काड़ लिवो, ता पोर चिट्ठी नाय टाकाय जाय। 7 काहाकाय ता हेयराम केरायेल खुन ता माय हे; तो ताह बुई पोर टाकीन रेजड़ा केरीन नाह डाप्यो, पुण उगाड़ला सापरा पोर मेल दिनो। 8 केरीन मी बी तान खुन उगाड़ला सापरा पोर मिलेल हे काय तो डापाय नाय सेकी पोशो काय बुदलो लेणेन राग बुड़के।"

9 बोगवान यहोवा किथे, "हाय, ता खुनी हेयरा पोर! मी बी डिगाह मुठो केरूह। 10 चुला माय पोशा लाकड़े टाक दिवो, पोशो आक्‍ठो देदगावो, माहाह उंजु चुड़ावो, ता माय मासालो बुंजो, आड़े बी गाल दिवो। 11 तेवी डेचक्याह ठाल्लो केरीन ईंगाला पोर मेल दिवो, ता माय तो ओलो तातो एणे दिवो; काय तान डाग पिगली जाय एने जेंग खेतेम एय जाय एने तो चोमेकणे बाज जाय। 12 यरूशलेम तान डागाह दोवणेन जुलूम कोसीत केर सिकेह, पुण ती जेंग सेटी नाय एय! तान जेंग आक्ठी केरीन बी निकली नाह सिकेत। 13 एय यरूशलेम हियोर तारी एठाय मोटला पापान हे, मी ते तुवाह चोखो केरने होदतालो, पुण तु चोखो नाह इनो, तान केरता जाह वोर मी मारो राग तार पोर नाय ओलाड़ लेव, ताह वोर तु चोखो नाय केराय जाए। 14 मी यहोवा ज्य कियेल; एने तो एय जाय, मी ओहलोच केरूह, मी तुवाह नाय सोडु, एने तुवा पोर गीण नाय केरू एने पासताव बी नाय; तारो चाल चलन एने कामान गेत तारो न्यायनिवाड़ो केराय जाय।" बोगवान यहोवान ज्यो बोल हे।

यहेजकेलान बायकुन मोत

15 पोशो बोगवानान ज्य वचन मार फाय पोचनो। 16 "एय माणहान सोरा, देख, मी तारा डोलान मोंगाल्लाह मारीन तार फाय रेन लेणे माय हे; पुण तु रेड़हे मा, एने आहवा मा गालहे। 17 मोठेह हाह ते ले, पुण ती होमलाय नाय; मुरेल तान केरता रेड़हे मा, मुंडी माय पागड़ी बांदिन एने पायाम खाहड़ा पेरीन रिज्ये, एने तु तारा मुयाह मा डापहे, एने दुखान रूटो मा खाहे।"

18 तेवी मी विगोच माणहाह केयो, "हांजु मारी बायकु मोर गियी, एने उठ्यान मी बोगवानान उकुमान गेत किऱ्यो। 19 तेवी माणहे माहु केणे बाज गीया, ‘काय तु आमुह नाय किहे काय ज्य जो तु किरेह, ज्यान आमरी केरता काय मतलब हे?’ "

20 मी ताह जापाप आप्यो, बोगवानान ज्य वचन मार फाय पोचनो, 21 तु इस्राएलान गेराणाह के, बोगवान यहोवा इही किथे, "दिखो मी मारा चोखाला जागाह जाह किल्लो हे केरीन तुमूह मोठाय केरतेह, जो तुमरा डोलाह पोटनो, तोच तुमरा मोनाह पुटेह, ताह मी एठो केरने माय हे; एने तुमरा जा बेटा बेट्यु तुमू इस्राएल माय सोड़ीन आवाह, ता तालवारी केरीन माराय जाती। 22 एने जोहलो मी किरेल हे तोहलोच तुमू बी किरहो, तुमू बी तुमरा मुयाह नाय डापहो, एने नाय दुखान रोटा खाहो। 23 तुमू मुंडा पोर पागड़ी बांदिन एने पायाम खाहड़ा पेरीन रिहो, एने नाय रिड़हो एने नाय साती ठुकहो, पुण तुमरा पापान कामाम फुसते लेन पिगलती जाहो एने एक दिहरान उगे काहते रिहो। 24 इही केरीन यहेजकेल तुमरी केरता निसाणी बोणी; जोहलो तो किऱ्यो, हुतरा तोहलोच तुमू बी किरहो, एने जुलबुखे ज्य एय जाय, तेवी तुमू जाण लिहो काय मी बोगवान यहोवा हे।"

25 एने बोगवान केयो, "एय माणहान सोरा, काय ज्य खेरो नाय मिले, काय जेदिह मी तान वातड़ो किल्लो, एने तान होबा, तान डोलान खुसी, एने डोलाह पुटेह, ताह मी ता फाय रेन लेय लेह, 26 ते दिह नाहीन वोची, तो तार फाय आवीन तुवाह खुबेर होमलाड़ी। 27 ते दिह तारो मुय उगड़ी, एने तु पुशो ठावको नाय रिहे, पुण तु ता वुचेला हिऱ्यो वातु किरहे, ते तु ता माणहान केरता निसाणी बुणहे; एने ज्या जाण लेती काय मी यहोवा हे।"