यहेजकेल 4

यरूशलेमान कोंडाणेन देखाड़ाय जाणो

1 बोगवान केयो, "एय माणहान सोरा, तु एक माटड्यान ईटड़ो विस, एने ताह तार सोमोर मेल, एने ता पोर यरूशलेम हेयरान चित्रो बाणाव। 2 तेवी ताह तु कोंड, मतलब तान विरूद किल्लो बाणाव, ता पोर एक एक उतेरती बाणाव, एने तान विरूद सेनान पालथी उबो केर, तान चार चोमखेर लेड़ाईन आथ्यारे लागाड़। 3 एने तु लोड़ान तावो लावीन ताह लोड़ान बितड़ो सोमजीन तारा ता हेयरान विचीम उबो केर; एने तारो मुय तान सोमोर केरीन ताह कोंड, इह केरीन तु ताह कोंड मिलज्ये, ज्य इस्राएलान गेराणान केरता निसाणी बोणी।"

4 "एवी तु जिवड़ी उगे करवट लेन लोट, एने इस्राएलान गेराणान पापान बार तार पोर उखेल ले, जोला दिह तु डाखरी उगे फिरहे, तोलाक दिह वोर तान पापान बार तुवाह वेठणे पोड़ी। 5 तु इहीच केरीन इस्राएल गेराणान पापाह तीन होव नोव्वद दिह वोर विठहे, इह केरीन तु इस्राएलान गेराणान पापान बार वेठती रे। 6 ज्या कामाह पुरो केरीन पासाण, तु पुशो डाखरी उगे चालीह दिह वोर केड़ी वोलीन लोट रिज्ये ज्यी टेम माय यहुदान पापाह चालीह वोरह्या वोर विठहे, एक दिह एक वोरह्यान रेय, मी तुवाह केथु काय यहुदा कोलाक वोरह्या वोर देन्ड माय रेय।"

7 तु यरूशलेमाह कोंडणेन केरता आथ पोसरावीन तारो मुय यरूशलेम हेयरान उगे केरीन तान विरूद जाणाव किरज्ये। 8 मी तुवाह राही केरीन बांद देह, काय दिहरी उगे फिर नाय सिकहे, जाह वोर काय तु तारी कोंडाणेन दिह पुरा नाय केर लेय।

9 "तु गोव, जुवार, मसुर, बाजरा, एने काठ्या गोव लेन, एक खिवड्या माय मेलीन तान रोटा रांद्या किरज्ये। जोलाक दिह तु खांदान बोरहे बिगेर केड़ी वोलीन लोट रिहे, मतलब तीन होव नव्वद दिह वोर ताह खाया किरज्ये। 10 जो खाणो तु खाहे, ताह तु तोलीन खाज्ये मतलब दाड़ीन दुय होव पाचाह ग्रामान खाणो, तु दिह्याम निस्तो एक वार खाज्ये।*4:10 विह शेकेल 11 तु पाणी बी मापीन पिज्ये, मतलब दुय गिलास*4:11 कोमीत कोमी सोव होव लिटर पाणी दिह्यान एक वार पिज्ये। 12 जुवारीन एक रूटो रांदीन खाज्ये; ज्याह माणहान देखता रांदज्ये, एने माणहान आग्या पोर हिकज्ये।"

13 ओवतो बोगवान केयो, "इह केरीन इस्राएल वाला माणहे ता माणहान सोमोर एठालो खाणो खाती, जाहरी मी ताह बोलजोबरी पोचाडुह।"

14 तेवी मी केयो, "हाय, बोगवान यहोवा देख, मारो मोन केदी एठो नाह एनो, एने मी नाह आत्योच रेन एवी वोर तान मोती माय मुरेल एने मारायेल जेनवेरान माह खादो। एने नाह काल्ली बातीन खाराब माह मारा मुया माय केदी जायेल हे।"

15 तेवी बोगवान माहु केयो, "हाजो हे! मी तुवाह माणहान आग्यान बोदले गायीन साणा पोर रूटो हेकणेन पारवांगी आपथु।"

16 ओवतो बोगवान माहु केयो, "एय माणहान सोरा, मी यरूशलेमान खाणो पाणी बोंद किरन्यु हे, माणहे दाड़ीन दिह्यान खाणो चिन्ता केरीन खाती एने दाड़ीन पाणी दुखी एन पिती। 17 काहाकाय ता माणहान केरता पुरतो खाणो एने पाणी नाय रेय। माणहे एका दिहराह देखीन बिती काहाकाय ता तान पापान केरता एका दिहराह खेतेम एताला देखती।"