यहेजकेल 25

अम्मोनान विरूद जाणाव

1 बोगवानान ज्य वचन मार फाय पोचनो, 2 एय माणहान सोरा, अम्मोनी माणहान उगे मुय केरीन तान बाराम जाणाव केर। 3 ताह के, एय अम्मोनी, बोगवान यहोवान वचन हुमलो, बोगवान यहोवा किथे काय तुमू जा मारा चोखाला जागान बाराम जेवी तो एठो केराय गीयो, एने यहुदान गेराणान बाराम जेवी ता जेलीम गीया, अहा, अहा, केयो! 4 केरीन दिखो मी, तुमूह पुर्व देस ने ताबाम केरने माय हे; एने ता तार विचीम तान पाड़ावो टाकती एने तान गेरे बाणावती; ता तारो फोल खाती एने तारो दुद पिती। 5 एने रब्बा हियोर उटड़ाह रेणेन एने अम्मोनीयोन देसाह मेंड्रा बोकड्याह बोहणेन जागो बाणाव देह; तेवी तुमू जाण लिहो काय मी यहोवा हे।

6 काहाकाय बोगवान इही किथे, "तुमू जा इस्राएल देसान कारेण थापड्या वाजाड्या एने नाचना, एने तुमरा आखा मोना केरीन मोठाय केरीन मोज केऱ्या, 7 केरीन देख, मी मारो आथ तार उगे किरेल हे; एने तुवाह जाती जातीन लुट बाणाव देह, एने देसा देसान माणहाम रेन तुवाह निकाल देह; एने तुवाह देसा देसान माणहाम रेन खेतेम केरूह, एने मी तारो सत्यानास केर देह; तेवी तु जाण लिहे काय मी यहोवा हे।"

मोआब ने विरूद जाणाव

8 बोगवान यहोवा इही किथे, "मोआब एने सेईर जा केतेह, यहुदान गेराणो एने दिहरा देसान गेत बोण जायेल हे। 9 केरीन देख, मोआब देसान मिरेन हेयराह बेथशीमोत, बालमोन, एने किर्यातेम। मी ज्या हेयरान एद्दी दुसमोनान केरता उगाड़ देह। 10 ताह पुर्व देस ने ताबाम ओहलो केर देह काय ता अम्‍मोनी पोर चेड़ाय केरी; एने अम्मोनीह ओलो वोर तान आदिकार माय केर देह, काय देसा देसान माणहान विचीम तान एर पोशो नाय रेय। 11 एने मोआबाह बी देन्ड आपुह, एने ता जाण लेती काय मी यहोवा हे।"

एदोमान विरूद जाणाव

12 बोगवान यहोवा इही बी किथे, "एदोम जो यहुदान गेराणा हिऱ्यो बुदलो लिदो, एने ता हिऱ्यो बुदलो लेन मोटलो गुनेगार बोण जायेल हे, 13 केरीन बोगवान यहोवा किथे, मी एदोमान देसान विरूद मारो आथ तान उगे केरीन ता माय रेन माणहा एने जेनवेराह दुयाह खेतेम केरूह; एने तेमान हियोर रेन ते ददान हियोर वोर, ताह उजाड़ केर देह; एने ता तालवारी केरीन माराय जाती। 14 मी मारी पोरजा इस्राएल उगे रेन एदोमा पोर बुदलो लेह; एने ता, ता देसाम मारो रागा पारमाणे ता हेऱ्या वेवारो केरती। तेवी एदोमान माणहे जाणती काय मी बुदलो लेणार बोगवान हे।" बोगवान यहोवान ज्यो बोल हे।

पलिश्तीन विरूद जाणाव

15 ✝ 25:15 यशाया 14:29-31 बोगवान यहोवा इह केरीन किथे, "काहाकाय पलिश्‍ती माणहे बुदलो लेदा, पुण ता काला कालान दुसमोनीन कारेण तान मोना केरीन मोठाय केरीन बुदलो लेदा काय खेतेम केरी, 16 केरीन बोगवान यहोवा किथे, देख, मी पलिश्‍ती माणहान विरूद मारो आथ ओंगाण केरने माय हे, एने करेतीयोह खेतेम केर देह; एने देरीयान मिरेन वुचेल रेणाराह खेतेम केरूह। 17 मी ताह मुठलो देन्ड आपुह, एने रागा माय ता हिऱ्यो बुदलो लेह, तेवी ताह मालुम पोड़ी काय मीच बोगवान हे।"