Mateus 20

Kubeluh ga hetaketeime samgwa

1 "Kedanemene tinggim hegwangram au hangdeu mpaube pe gu kubeluh ziemne heta keteime zie likera tingcang nuge kemie nzwa delie. 2 Pecai pa heta tei kerame de ngngwa langnai ge ziehi dinarius*20:2 Dinarius: Rangkanggeu ge, heta keteime de peu kela langnaige ziehi. ge peu kera kesuizwa luge, pa penuide pe gu kubeluh gage langgaidi. 3 Pa tingcang bam hekui dauge tetpet dai nah heta keteime kedame litakni ga mata tei mene sap kebam ngaulu. 4 Pa penui dage rangdi, ‘Nnui de, kubeluh ga miecu, nah Ih nnuide petaube peu zie.’ 5 Cine penui miedi. Pa tingna tingding nah tinghegi bam cum daude mie cinzwa tei. 6 Tinghegi bam mengei dau pa tetpet daige, kedamedung ge matei mene sapbam eh ngaulu. Pa penuide keteugai, ‘Daitei eh nnui tingba zie pelane matei mene aika sap bam no?’ 7 Penui pe dage rangdi, ‘Kedanemene migede anuide zie likera gah kecune lie.’ Ge pa penui dage ranggai, ‘Nnui de kubeluh ga miecu.’ 8 Tinghegi miege, kubeluh mpaube pe gu kerengeibe dage rangdi, ‘Matei kelamedung de qulu delwe penui ziedung penuide peubeulo, kamtube gade ndeu eh raitube kecangde.’ 9 Bam mengei daune liteu kelamedung de gwangge, penui hangge kecu de denarius ge ngau kaplu. 10 Heta ketei keraimedung gwangge, penui ciswa ngau kieelu zie ha de eh penui cet, dede penui de denarius ge gwale ngau silu ma. 11 Penui penui zie ngau luge, penui hangdeu mpaube de ncamdi. 12 Penui rangdi, ‘Heta ketei kamtu aipaudung de au bamdakkak ket gwale mata teima, anui au tinglum lia eh mringbeting matei sapmui, dede nang penui zie anuide kepeu kieege peu.’ 13 Dede pe mpaube penui hangge pau de keligai, ‘Azangmedung, Ih nnuide magede teimau ma. Nnui acu ngngwa denarius ket gage samdaulu de meni? 14 Nnui zie keulu delwe tet dilu. Ih heta ketei kamtu aidungde de nnuide kepeu nsam ge peu kera Ih asui lie. 15 Ih akatei agu lepwane Ih asuibe tei kera a njeu meni? Mi Ih a zai keyine acu nnui riak lano?’ 16 Cine keraime kam dizie, nah kekamme rai luzie."*Kehegwa laisu yitubedung gaqu kelume au kieesüt, dede kedetkelume au kecam nage de kecude bam lama.