Matthew 21

Hecili eh kelüt

1 Jisu nah pa ledeukelume Jerusalem tai gwang nna eh Olive deutu, Bethphage nam ga gwang luge, Jisu ledeukelume hangna de langgai eh, 2 penai dage ranggai, "nnai dwaga kebam renam ga miecu, iciude cika gada gede, nah pe nade si eh keu pwabam eh ngau zette luzie. Penaide hiaklwe ada ngngwa gwanglu. 3 Mi keheibe cide ziemne nnai dage magede keteu cai, nnai, ‘Rampaube ai kena de teu maisia zeulie,’ de eh rang beulu, nah ciciu de nnai cipau de nnui zette langgai beuzie." 4 Cu aide ndaa caihakecibe rang kenzeu de peu tei canglu kerane. Pa ranggai,

5 "Zion napui*21:5 Zion napui: Jerusalem ga minadung. dage rang beulo,

‘ainie, n Hegwangpei nda gwang lalie,

henah eh gada ge reu cwalwe,

gadana ge reu ga, gada ge na reu ga.’"*21:5 Zec. 9:9

6 Ge ledeukelube kena de mie delwe Jisu rang kebeu nzwa penai teilu. 7 Penai gada nah pena de ngngwa gwanglu delwe penui paidung gada reu gage kailu eh Jisu cipau reu ga bamlu. 8 Mina kekiee ge penui paidung lampui gage kamgai, nah kedame tsingbangdung gade tsingkiadung bilu delwe pwa cidungde lampui gage kamlu. 9 Cidau Jisu dwaga kela maadi de nah pe caisui kelame sahbak eh ranggai,

"Hosanna David napei!

Rampaube zi teukegwangbe samlam pungtu lie!

Hutube Hosanna!"*21:9 Lei. 118:26

10 Jisu Jerusalem ga lüt luge, namdi pelane popbak eh rangdi, "Aide cau no?" 11 Ge hemaabe keligai, "Aipaude au caihakecibe Jisu, Galilee deu Nazareth gade gwang."