Matthew 22

Ringcuhkelu gade laktak

23 Cipaunai Sadduceemedung kangge, ringcuhdai kelu gahlie rangkelame, pe da gwang. Penui pecu keteugai, 24 "Keledeubo, Moses, ‘Mige pe name lungh mene tsaidi cai, pe sinabe de peu pe nau de luulu delwe pe sinabe name lunghlu maisia,’ debeu.*22:24 Hez. 25:5-6 25 Cu anui kakga sinamedung hang hena bamla. Cingtube pe nau teilu ge pena lungh mene tsaidi. Nah pa pe caihereibe de pe naude gidiak. 26 Ge pe sina pekenabe de cinzwa teidi, pecai pekecumbe de cinzwa jüja pehenabe kecang. 27 Penui pelane tsai kedi cai, mipuibe de tsaidi. 28 Cu ringcuhdai kecu benai, cipau puide sinamedung hang hena gade caube nau zie no? Kedanemene penui pelane de pecu luulu de kecune." 29 Dede Jisu penuide keligai, "Nnui cet maula dida, kedanemene nnui Kesanglaisiu mede Tinggwang kengkieng de ci kemakne. 30 Kedanemene ringcuhdai kecu benai laktak tei mede hemeu meu lak. Meliene, penui au tinggim ga tinggimgwame nzwa dizie. 31 Dede nnui ketsaime ringcuhdai kecu ha, Tinggwang ne nnui dage kerang de Kesanglaisiu gade pei meni, 32 ‘Ih au Abraham Tinggwang, Isaac Tinggwang nah Jacob Tinggwang’? Tinggwang au ketsaime Tinggwang ma, dede keringme gu lie."*22:32 Tet. 3:6 33 Maadibe aide siu luge, pe keledeu samdung ziemne penui macangdi.