Gênesis 47

7 ताहरुउ योसेफ तियाआ आब्हाहा लेत कोइत फारोअ सामने आयू; आन याकोब फारोहो आशिर्वाद आप्यू 8 ताहरुउ फारो याकोबोहो फुश्यो, "ताआ वय केतिही ओयीही?"

9 याकोबे फारोहो कोयो, "आंय एक होवेन तीस वोरह्ये पारकुज ओत कोइत जिवन जिवीत सुकुहू; माआ जिवनोअ दिही थोड़ा आन ते खाराब रोया. आन माआ वेगाआ डायहां पारका ओत कोइत जेताहा दिही जिवया, तेताहा दिही माहूं ओमे नाहां ओवा." 10 आन याकोब फारोहो आशिर्वाद आपीत कोइत तियाआ सामने रोत जातु रोयू. 11 ताहरुउ योसेफ तियाआ आब्हाहा आन पायहोहों बोहाड़ी देदा, आन फारोअ आदेशोअ पुरमाणे मिसर देसोअ हाजा हाजा भागोमेहें, मोन्ज्ये रामसेस नावोअ मुलखोम जागु पालीत कोइत तियांहां होपी देदू. 12 आन योसेफ तियाआ आब्हाआ आन तियाआ पायहोंअ , आन आब्हाआ पुरा कुटूंबाआ एकेकाआ बाल-बासाआ गणतीइ पुरमाणे दाणा आपी आपीइ तियांहां पोहू वोल्यू.