41 Lichuwa lila wandu watangala wakwinilili habali zya Petelo, wakabatiswa. Na wandu ielufu itatu wakayongeseka mulipinga lya wakwinila wa Yesu. 42 Wogha wayendilelili kuivula kuhuma kwa wandumindumi wa Yesu, kulikala pamonga kiulongu, kulyegha mulyo pamonga na kuyupa.
Vila walikala wala Wamkwinila Kilisito
43 Kila mmonga akakangaswa na Makangaso yatangala yagholilwi na wandumindumi hata kila mundu akamtundamila Sapanga. 44 Wakwinila wogha wayendilelili kulikala pamonga na vindu ghao wapeghanilili. 45 Wahusili vindu ghao na kupeghana mapesa kulandana na kila kipungula kwa kila mmonga. 46 Wayendilelili kukongana pamonga kila lelu Mlighuta lya Sapanga ila lipindi lya kulyegha mulyo, wakonganili mumaghuta ghao na kulyegha kwa luheku na moyu ukiva pekesu. 47 Wamuyinulili Sapanga, wakapalwa na wandu wogha. Kila lelu Bambu awayongiselili wandu walokolile.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)