Atos 8

36 Pawawelili wanguyendelela na mwanja, wahikili mahala pavile na masi, na hayu mkulu akalonga, "Mahala baha pavile na masi, ni hindu liki kinikanili nikotoho batiswa?" 37 Filipo akalonga, "Ikiva utemkwinila Yesu Kilisito kwa moyu ghako wogha utebatiswa." Na mweni akayanga, "Hina, ningukwinila yiwa Yesu Kilisito ni Mwana wa Sapanga."

38 Hinu, hayu mkulu akalaghila hila mbutuka ligholoki, na wogha waivili, Filipo na hayu mundu wakaghuluka mmasi, na mweni Filipo akambatisa. 39 Pawahuka kuhuma mmasi, bwitu Mpumulo wa Bambu akamtola Filipo. Na hayu mundu avile mbendi kamlola ng’ogha kangi, ila akayendelela na mwanja akiva na luheku.