Matayo 15

3 Yesu wadaayangha, "Ndande yanji namwenjho simuchata thauko la Mnungu nambho mchata mayaluzo yanu? 4 Mnungu wakamba, ‘Waalemekeze atate wako ni maye wako’ ni ‘Waliyonjhe uyo waatukwana atate wake kapina maye wake, waphedwe.’ 5 Nambho anyiimwe muyaluza kuti ngati mundhu wali ni chindhu chalichonjhe icho wakhoza kwathangatila atate wake kapina amaye, nambho wakamba, ‘Chindhu ichi namchochela Mnungu,’ 6 anyiimwe muyaluza mundhu mmeneyo siwafunika kwaalemekeza atate wake ni amake. Chimwecho nde umo mulidelela mawu la Mnungu kwa kuchata mayaluzo yanu mwachinawene wake. 7 Agunghuli anyiimwe! Mlosi Isaya wadalosela bwino nghani zanu, yapo wadakamba kuusu anyiimwe,

8 ‘Mnungu wakamba kuti wandhu anyiyawa anilemekeza kwa maupe,

nambho mmitima mwao alipatali ni ine.

9 Kunilambila kwao kulibe mate,

pakuti ayaluza mayaluzo ya wandhu ngati mayaluzo yanga!’"