Aduya 5

3 Nawolo nyi alo ŋon ɔ ba mo ayimɛɛ wuu ɔ wose nɔɔwoya yɛɛ ŋgba teebɔɔ nɛ,

te ɔ kekolosi dana yeliŋ ŋgba doosi nɛ.

4 Mɔ kɔ ɔto na ke dana ŋgba ŋanŋanborɔ nɛ,

te kɛɛ bee ŋgba yoosila sia na wɔle nɛ.

5 Ɔ nawɔɔ ne tisi gyu yeŋ man,

ɔ nawɔɔ kekulu ne gyu bo yebɔɔ man.

6 Ɔ bɛɛ gyueŋ gbɛɛ keŋ ne fa nyeedoŋ ya,

ɔ dɔŋ bo ɔ ne kyeŋgbeŋ yakaa, mɔna ɔ ba gyeŋ ya.

7 Me bia, nɛnɛɛ ɛ tei maŋ,

ɛ na lee keŋ mɛɛ yako ŋon nɛ wɔle ya.

8 Ɛ wɔŋ ɛ wose lee ɔ gyaŋ gyu lem,

ɛ na benaa ɔ dekpaŋalaŋ denaanɔɔ gba ya.

9 na mena ya na nyɔ obuo gyae ka lee n nyiŋmaa man,

te n yele kelɛɛ mɔ gyae ka lee n nyiŋmaa man gyu nyeeman doŋte gyaŋ.