27 Kayong lahi ni Jacob,
bakit kayo nagrereklamo?
Kayong mga mamamayan ng Israel,
paano ninyo nasasabi ito:
"Ang landas namiʼy nakatago
sa Panginoon;
hindi niya pinapansin
ang aming karapatan"?
28 Hindi nʼyo ba alam?
Hindi nʼyo ba narinig?
Ang Panginoon ang walang hanggang Diyos
na lumikha hanggang sa dulo ng mundo.
Hindi siya napapagod o nanghihina
at walang nakakaarok
ng kanyang pang-unawa.
29 Pinalalakas niya ang mga napapagod
at ang mga nanghihina.
30 Kahit ang mga kabataan ay napapagod,
nanlulupaypay at nabubuwal,
31 ngunit ang mga nagtitiwala sa Panginoon
ay muling magkakaroon ng lakas.
Lilipad silang gaya ng isang agila.
Tumakbo man sila ay hindi mapapagod.
Lumakad man sila ay hindi manghihina.