6 Wa mugore aca arirukanga, abwira umugabo wiwe ati: "Hari umuntu w’Imana yaje aho ndi. Yasa n’umumarayika w’Uhoraho, yari ateye ubwoba kuraba. Sinamubajije iyo aje ava, kandi ntiyambwiye izina ryiwe. 7 Ariko yambwiye ati: ‘Uzotwara inda, uvyare umwana w’umuhungu. Ntihazogire umuvinyu canke ikiboreza uzonywa, kandi ntihazogire ikintu gihumanye uzorya, kuko uwo muhungu azoba Umunaziri w’Imana kuva akivuka gushika apfe.’ "
8 Maze Manowa aca asenga Uhoraho avuga ati: "Ndakwinginze Uhoraho, uturungikire uwo muntu w’Imana watumye, agaruke atwigishe ingene dukwiye kurera uwo mwana agiye kuvuka."
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)