માથ્થી 15

32 ઈસુએ પોતાના શિષ્યોને પાસે બોલાવીને કહ્યું, "આ લોકો પર મને દયા આવે છે; તેઓ ત્રણ દિવસથી મારી સાથે છે અને તેઓની પાસે કંઈ ખાવાનું નથી. હું તેઓને ભૂખ્યાં મોકલવા માંગતો નથી, રખેને તેઓ રસ્તામાં નિર્ગત થઈ જાય."

33 તેમના શિષ્યોએ જવાબ આપ્યો, "તો આવાં ઉજજડ પ્રદેશમાં આટલા ટોળાને બસ થાય એટલી રોટલી ક્યાંંથી લાવીએ?"

34 ઈસુએ પૂછયું, "તમારી પાસે કેટલી રોટલી છે?"

તેઓએ જવાબ આપ્યો, "સાત, અને થોડી નાની માછલી."

35 તેમણે ટોળાને જમીન પર બેસી જવા કહ્યું. 36 પછી તેમણે સાત રોટલી અને માછલી લઈને ઈશ્વરનો આભાર માન્યો, પછી તેમણે ભાંગીને શિષ્યોને આપી, અને તેઓએ લોકોને પીરસી. 37 અને તેઓ બધા ખાયને ધરાયા. પછી શિષ્યોએ વધેલાં ટુકડાની સાત ભરેલી ટોપલીઓ ઉઠાવી. 38 જેઓએ ખાધું તેઓ સ્ત્રીઓ અને બાળકો ઉપરાંત ચાર હજાર પુરુષો હતા.