1 mir alein eklt main lebn;

ich vel fun mir loiz lozn main klog,

ich vel redn in der biterkeit fun main zel.

2 ich vel zogn tsu Eloah: zolst mich nisht shuldik machn;

loz mich visen far vos du krigst zich mit mir.

3 iz dir gut az du drikst,

az du farachtst di mi fun daine hent,

un dem barot fun di reshoim bashainstu?

4 zainen oign fun fleish bai dir?

tsi zestu vi a mentsh zet?

5 zainen vi di teg fun a mentshn daine teg,

tsi daine yorn vi di teg fun a man?

6 az du zuchst main zind,

un forsht main chet,

7 hagam du veist az ich bin nisht shuldik,

nor nishto ver zol matsl zain fun dain hant.

8 daine hent hobn mich gefuremt un gemacht

mit alem mit anander, doch tust du mich fardorben.

9 gedenk fort, az vi leim hostu mich gemacht,

un tsu shtoib vestu mich umkeren.

10 far vor, vi milch hostu mich oisgegosen,

un vi kez hostu mich farglivert.

11 mit hoit un fleish hostu mich bakleidt,

un mit beiner un odern geflachtn.

12 lebn un genod hostu mir bashert,

un dain obacht hot opgehit main gaist.

13 ober dos hostu bahaltn in dain hartsn,

ich veis az dos hostu gehat in zinen:

14 az ich zindik, vestu mich hitn,

un fun main chet mich nisht rein machn.

15 az ich bin shuldik, iz vei tsu mir,

un bin ich gerecht, ken ich nisht oifheibn dem kop,

zat mit shand, un zeendik main pain.

16 un heibt er zich oif, yogstu mich vi a leib,

un alts vider bageistu zich mshunh kegen mir.

17 banaist daine eides kegen mir,

un merst dain kaas oif mir;

gebitn nochanand vert der cheil kegen mir.

18 un noch vos hostu mich fun tracht aroisgetsoign?

ich volt fargangen, un an oig volt mich nisht ongezen.

19 vi nisht geven volt ich geven,

fun muterlaib volt ich tsum keyver gebracht gevorn.

20 maine teg zainen doch vintsik, to her oif,

un tu zich op fun mir, ich zol zich oifmuntern a bisel,

21 eider ich gei avek zich nisht umtsukeren,

in a land fun choishech un toitshotn,

22 a land tunkel vi di fintsternish alein,

toitshotn on ordenung,

vu afile az es shaint, iz vi fintsternish.