1 un Hashem hot geentfert Iyovn fun shturem,

un hot gezogt:

2 ver fartunklt dos di kavone

mit verter on farshtandikeit?

3 gurt akorsht on vi a man daine lendn,

un ich vel dich fregn, un du mach mich visen.

4 vu bistu geven ven ich hob gegruntfest di erd;

zog, oib du veist farshtandikeit.

5 ver hot gemacht ire mosn, oib du veist?

oder ver hot getsoign a mestshnur oif ir?

6 oif vos zainen ire gruntmoiern aroifgezetst?

oder ver hot geleigt ir vinkelshtein?

7 ven di morgenshteren hobn in einem gezungen,

un ale zin fun Elokim hobn geshalt.

8 un ver hot fartsamt mit tirn dem yam,

ven er hot oisgebrachn un iz fun tracht arois?

9 ven ich hob gemacht dem volken far zain malbesh,

un dem nebl far zain viklshnur,

10 un ich hob bashtimt far im main gezets,

un gemacht riglen un tirn,

11 un gezogt: biz aher zolstu kumen un nisht vaiter,

un do vet men farhaltn dem shtolts fun daine indn?

12 hostu zint dain lebtog bafoiln dem frimorgn?

ongevizen dem baginen zain ort?

13 kedei ontsunemen di bregn fun der erd,

az di reshoim zoln aropgeshoklt vern fun ir.

14 zi shemerirt azoi vi ziglvaks,

un es ligt azoi vi a malbesh.

15 un fun di reshoim vert farmitn zeyer licht,

un der oifgehoibener orem vert tsebrochn.

16 bistu gekumen tsu di kvaln fun yam,

un oifn grunt fun tehom umgegangen?

17 zainen dir antplekt gevorn di toiern fun toit,

un hostu di toiern fun toitshotn gezen?

18 hostu ibergekukt biz di breitkeitn fun der erd?

zog, oib du veist dos alts.

19 oif voser veg rut dos licht?

un di fintsternish, vu iz ir ort,

20 az du zolst zi nemen tsu ir gemark,

un az du zolst farshtein di shtegn tsu ir hoiz?

21 du veist dos, vorem du bist dentsmol shoin geven geborn,

un di tsol fun daine teg iz grois!

22 bistu gekumen tsu di oitseres fun shnei,

oder hostu di oitseres fun hogel gezen,

23 vos ich hob bahaltn far a tsait fun noit,

faran tog fun krig un milchome?

24 oif voser veg tseteilt zich dos licht,

tseshpreit zich der mizrech-vint iber der erd?

25 ver hot durchgehakt far der fleitsung a grobn,

un a veg faran dunergeviter?

26 tsu machn regenen oif a land on a mentshn,

a midber on a mutermentshn derin;

27 ontsuzetn a vistkeit un a vistenish,

un machn shprotsn an oisvaks fun groz.

28 hot der regn a foter?

oder ver hot geborn di tropns toi?

29 fun vemes boich iz arois der aiz?

un der frost fun himel, ver hot im geborn?

30 azoi vi shtein vern vasern farglivert,

un der ponem fun tehom vert farshtart.

31 kenstu bindn di keitn fun zibnshtern,

oder di shtrik fun orion loiz machn?

32 kenstu aroisbrengen di mezlut in zeyer tsait,

un dem Beor mit zaine kinder aroisfirn?

33 veistu di gezetsn fun himel?

tsi machstu zain geveltikung oif der erd?

34 kenstu oifheibn tsum volken dain kol,

az a shefe fun vaser zol dich badekn?

35 kenstu aroisshikn blitsn, zei zoln gein,

un zogn tsu dir: do zainen mir?

36 ver hot araingeton in di nirn chochme?

oder ver hot gegebn dem gaist farshtandikeit?

37 ver tseilt iber di volkens mit chochme?

un di loglen fun himel ver gist ois?

38 ven der shtoib iz tsunoifgegosn vi klump,

un di grudes zainen tsuzamengebakn.

39 kenstu fangen far der leibinte roib,

un dem bager fun di yungleibn onfiln,

40 ven zei beigen zich in di nores,

ven zei zitsn in tsudek oif der loier?

41 ver greit on dem rob zain shpaiz,

ven zaine kinder shraien tsu El,

ven zei vandern um on esen?