1 un es iz geven der tog ven di zin fun Elokim zainen gekumen zich shteln far Hashem, un oich der stn iz gekumen tsvishn zei, zich tsu shteln far Hashem. 2 hot Hashem gezogt tsum stn: fun vanen kumstu? hot der stn geentfert Hashem, un hot gezogt: fun vandern iber der erd un fun arumgein oif ir. 3 hot Hashem gezogt tsum stn: hostu acht geton oif main knecht Iyovn, az es iz nishto aza vi er oif der erd, a man erlech un rechtfartik, yore Elokim, un opgekert fun shlechts? un er halt zich noch alts bai zain frumkeit; un du host mich ongeredt oif im, im umtsubrengen umzist. 4 hot der stn geentfert Hashem, un hot gezogt: hoit far hoit, un alts vos a mentsh hot, vet er avekgebn far zain nefesh. 5 ober shtrek akorsht ois dain hant, un rir on zain bein un zain fleish, oib er vet nisht in dain ponem dich lestern. 6 hot Hashem gezogt tsum stn: ot iz er in dain hant, nor zain nefesh hit.

7 iz der stn aroisgegangen fun far Hashem, un er hot geplogt Iyovn mit a beizn oisshlog fun zain fustrit biz zain sharbn. 8 hot er zich genumen a sherbl zich tsu kratsn dermit; un er iz gezesn in ash. 9 hot zain vaib tsu im gezogt: haltst zich noch alts bai dain frumkeit? lester Elokim, un shtarb. 10 hot er tsu ir gezogt: azoi vi es redt eine fun di nidertrechtike redstu. zoln mir dos gute yo onnemen fun Elokim, un dos shlechte zoln mir nisht onnemen? bai alem dem hot Iyov nisht gezindikt mit zaine lipn.

11 un Iyovs drai gute fraint hobn gehert fun al dem dozikn beiz vos iz gekumen oif im, un zei zainen gekumen itlecher fun zain ort, Elifaz der Temani, un Bildad der Shuchi, un Tsofar der Naamati; un zei hobn opgeredt in einem tsu gein im badoyern un im treistn. 12 un az zei hobn oifgehoibn zeyere oign fun der vaitn, hobn zei im nisht derkent, un zei hobn oifgehoibn zeyer kol un hobn geveint; un zei hobn itlecher tserisn zain mantl, un gevorfn shtoib iber zeyere kep tsum himel. 13 un zei zainen gezesn mit im oif der erd zibn teg un zibn necht, un keiner hot nisht geredt tsu im a vort, vorem zei hobn gezen az der veitog iz zeyer grois.

14 dernoch hot Iyov geefent zain moil, un hot gesholtn zain tog.