1 Tumaze gutandukana na bo tuja mu bwato. Dukomerezamo kimwe tuja i Kosi. Umunsi ukurikiyeho, tuja i Roode, tuvuuyeyo tuja i Patara. 2 Tuhasanze ubwato bwendaga kuja i Fenikiya, tubujamo buratujaana. 3 Tubona i Kupuro, tuhasiga ibumoso bwacu tugana i Siriya duhagarara i Tiiro, kuko ari ho bagombaga gupakururira imitwaro yari mu bwato. 4 Twashaatse abiizeera turababona maze tuhamara na bo iminsi indwi. Abo biigiishwa bayobowe n'Umwuka Weera babuza Pawulo gukomezamo urugendo rwo kuja i Yerusaalemu. 5 Iyo minsi yo kubaana na bo ishize, turahava dukomezamo urugendo. Nuuko boose n'abagore baabo hamwe n'abaana baraduherekeza batugeza haakurya y'i tawuni nkuru. Dupfukama aho ku nkengeero y'inyanja turasenga, 6 haanyuma duseezeranaho. Duheerako twinjira mu bwato naho bo basubira iwaabo.

7 Turangije urugendo rwo kuva i Tiiro, tugera i Putolemayi turamukanya n'abiizeera twahasanze maze ducumbikayo kumara umunsi umwe. 8 ✝Bukeeye tuvayo tugera i Kayisaariya, maze tuja mu rugo rwa Filipo umwe mu bavugabutumwa barindwi, nuuko ducumbikayo. 9 Yari afite abakobwa bane ba baari, baari bafite impaano yo guhanuura. 10 ✝Tuhamaze iminsi, haaza umuhanuuzi wiitwaga Agabo avuuye i Yudeeya. 11 Ageze aho turi afata umukenyezo wa Pawulo, awibohesha ibirenge n'amaboko, maze aravuga ati, "Umwuka Weera aravuga ati, ‘Uku ni ko Abayuuda bazaaboha nyir'uyu mukenyezo nuuko bamushikirize abanyamahanga.’ "

12 Tubyumvise, twe hamwe n'abantu baari aho tubuza Pawulo kuja i Yerusaalemu. 13 Maze Pawulo arasubiza ati, "Ikibateera kurira no kunshengura umutima n'iki? Kuko siniiteeguye kubohwa gusa, ahuubwo no gupfiira i Yerusaalemu nzira izina ry'Umwami Yesu."

14 Tuboonye ko Pawulo amaramaje kugenda kandi ko tutagishoboye kumuhendahenda, turamwihorera tugira tuti, "Bibe uko Nyagasani ashaaka."

15 Nyuma y'iyo minsi duteguura ibyacu, dutangira urugendo tugana i Yerusaalemu. 16 Bamwe mu biizeera bava i Kayisaariya na bo baazana naatwe batujaana kwa Munasoni w'i Kupuro wari umwizeera kuva kare, aho twagombaga gucumbika.

17 Tugeze i Yerusaalemu, abavandimwe batwakiira n'urugwiro. 18 Bukeeye tujaana na Pawulo gusuura Yaakobo, kandi bakuru b'imiryango boose baari bahari. 19 Pawulo arabaramutsa, arangije atangira kubateekerereza byose Imaana yamushoboje gukorera mu banyamahanga mu buheereza bwe ari nta co asiga inyuma. 20 Babyumviise, bahimbaaza Imaana. Baramubwira bati, "Muvandimwe, urabona ko Abayuuda benshi bamaze kuba abiizeera, kandi koboose bafite umwete wo kuzirikana amategeko. 21 Baamaze kumva ibigufasheho, ko wiigiisha Abayuuda batuuye mu banyamahanga kureka gukurikiza amategeko ya Moose, ngo begukeba abaana baabo, no kudakurikiza n'indi migenzo yoose y'Abayuuda. 22 Noone tugire dute? Ko byaja kubageraho ko waaje. 23 Ubu reero ugiiye gukurikiza ibyo turibukubwire. Dore dufite abagabo bane baahize umuhigo. 24 Biiyungeho, unyure mu muhango wo kwezwa hamwe na bo, kandi wiishurire koogosha imisatsi yaabo. Nuuko boose bamenye ko ibyo baakumviiseho bidafite ishingiro kandi ko naawe ubwawe wuubahiriza kandi ugakurikiza amategeko. 25 ✝Ariko ku banyamahanga baamaze kuba abiizeera, twohereje urwandiko rwerekana iceemezo caacu, ko bakwiriye kwirinda kurya ibituuwe ibigirwamaana, kurya amaraso no kurya inyamaaswa zinizwe, hamwe no kwirinda ubusambanyi."

26 Nuuko Pawulo ajaana abo bagabo, umunsi ukurikiyeho amaze kwiyeza, yinjirana na bo mu Nzu y'Imaana kumenyeesha igihe iminsi yo kwezwa izaashirira, ari bwo igitambo ca buri weese kizatambirwaho.

27 Iminsi indwi iri bugufi kurangira, Abayuuda baturuka Asiya baari baaboonye Pawulo mu Nzu y'Imaana babyutsa agasasamaro muri rubanda. Baramufata, 28 bateera heejuru bavuga bati, "Yemwe b'Isirayeli mwe, ni mudutabaare! Uyu ni wa mugabo ugenda yiigiisha hoose abantu boose arwanya abantu baacu, amategeko yaacu n'uyu mwanya. Uretse n'ibyo, dore yazanye n'Abagiriki mu Nzu y'Imaana, guhumaanya aha hantu heera." 29 ✝Ibi baabivuze kuko baari baaboonye Tiirofimo Umunyefeeso ari hamwe na Pawulo mu tawuni nkuru nuuko biibwira ko yamuzanye mu Nzu y'Imaana.

30 Haba agasasamaro mu tawuni nkuru hoose, maze abantu biirukankira gukoranira hamwe. Bafata Pawulo bamukurubana bamuvaana mu Nzu y'Imaana, ako kaanya inzuugi barazikinga. 31 Bakigerageza kumwica, inkuru igera ku mutware w'ingabo z'abasirikare yuuko hari imidugararo i Yerusaalemu hoose. 32 Ako kaanya ajaana abasirikare n'abatware baabo bariiruka bagana aho ico giteero c'abantu kiri. Abo bantu baboonye Abasirikare n'abatware baabo, barekeraho gukubita Pawulo. 33 Umutware w'abasirikare araaza afata Pawulo, maze ategeka ko bamuboheesha injegeri ebyiri. Arangije abaza abantu uwo ari we n'ico bamuryoza. 34 Bamwe muri rubanda bateera heejuru bamusubiza kimwe abandi ikindi nuuko ntihaagira ico yumva ku bw'urusaku rw'abantu, ni ko gutegeka ko bajaana Pawulo mu kigo c'abasirikare. 35 Pawulo ageze ku madaara, abantu baari buuzuye uburaakari bituma abasirikare bamuterura. 36 Rubanda baari babakurikiye bateeraga heejuru bavuga bati, "Ni mumwice!"

37 Bari haafi kugeza Pawulo mu kigo c'abasirikare, abwira umutware waabo ati, "Mbese ngire ico nkubwira?" Umutware w'abasirikare aramubaza ati, "Uzi Urugiriki?

38 Noone ntaabwo uri wa Munya Igiputi uheruutse kuyobora agatsiko k'abicanyi ibihumbi bine kuja mu butaayu?"

39 Pawulo aramusubiza ati, "Ndi Umuyuuda, uva i Taruso y'i Silisiya, umutuurage w'itawuni nkuru ikomeye, ndakwinginze, mpa ijambo hagire ico mbwira aba bantu."

40 Amwemereye kuvuga, Pawulo ahagarara ku madaara areeba abantu, arambuura ukuboko ngo baceceke. Bamaze guceceka, avugana na bo mu Ruheburayo.