45 Lariñaga Dawidi lun:
—Buguya biabin nuagun tau eféin tuma gimara, ánheinti au nidin buagun lidan liri Nabureme Suntigabafu le Habungiute lisudaranigu Ísüraeli ha únbaña bawügürihóua. 46 Lederegeraadibu Nabureme núhaburugun, ani náfaraadibu hilagubei uguñe uguñe, ábame nadürürüni bichügü, ábame níchuguni hágubu súdaragu Filistéana houn dunuru hama animaalugu áraabuna lun héigini. Subudi hamaamugei sun gürigia luagu anihein lan Bungiu Ísüraeli; 47 sun ha óundaragubaña ya, hasubudirubei luagu mama lan tau eféin tuma gimara lesefuha Wabureme. Luwuribun Wabureme wuribu le, ani lederegerubadün wáhaburugun.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)