20 Hambele Yesu akantsaje kuvakotola vanu va miji jo ajiditye ndajilo myolofu na vanu vake valemile kumutumba Mulungu. 21 "Mukudutsa henye vanu wo mungikala ku Kolatsini! Mukudutsa henye vanu va ku Betisaida, kwasawuli manyi ndajilo jongadisile kwenyu ntsikantsive ntsivaditye vanu va ku miji ja Tilo na Sidoni, vanu vake vaka kusuka kuhulumilwa kwa kufwala magunila na kibakatsa michifu kulajila kuta vangumupituchila Mulungu na vanleka ndongwa tsawo ntsibi." 22 Ntsinguvalonjelani wukweli kuta, siku ya wuhigo henye mukuhigwa kulutila vanu va miji ja Tilo na Sidoni. 23 Henye vanu va ku Kalipenawumu! Mbe, mukudutswa mbaka Kilanga? Manyi mudite ihyo, mukwiswa mbaka ku inyi ya vanu wo vafweye. 24 Lechelelo ntsinguvalonjela kuta, siku ya wuhigo henye mukuhigwa kulutila vanu va muji gwa Sodoma.