Mateus 6

25 Kwasawuli iyo ntsinguvalonjelani mulekaje kitindivasila kuta, tukulya chichi awu tukung’wa chichi na kaha mivili jenyu mukufwala chichi. Mbe, wumi wenyu sichiba kulutila chilyo, na mivili jenyu sichiba kulutila myenda? 26 Mulavaje fideje fyene sifilimaga na kubeta na kaha filihela kano, lechelelo Dada venyu va Kilanga afilisaga fideje ifyo. Mbe, henye simulichiba kulutila fideje ifyo? 27 Mbe, koyoli munu hagati henyu yo afuluche itindilivase na kuvetsa kiwila wumi wake wa kikala nambe lisala limwe? 28 Mbe, henye nanye kwasawuli yachi mungitindilivasila kwajili ya myenda? Mulole hila wuluva wa kivindi siwufuluche widitile myenda. Sinambe wukole kasi wala kibota. 29 Lechelelo ntsinguvalonjela kuta, nambe mwene muntsajila Solomoni mu wumelemo wake weka siafwalaga kota wuluva wa kivindi. 30 Duve, manyi Mulungu awufwikaga ihyo wuluva wa mwivindi, wo wufuluche wuve munyi guno na mitondo wun’nyanywa. Mbe, akulemwa kuvadita henye vagaya litumbilo muve kulutila wuluva uwo?

31 "Ihyo henye mulekaje kitindivasila na kuhotsa kuta, tukulya chichi? Awu tukung’wa chichi? Awu tukufwala chichi? 32 Kwasawuli finu ifyo fyeka fivatindilivasaga vanu wo sinambe vamuhulikitse Mulungu, lechelelo henye mutselaje kuta Dada venyu va kilanga antsela kuta henye nanye mungufigana finu ifyo. 33 Ihyo musakaje tandi ndongwa tsa Wuntsajila wa Mulungu na kudita hila fyo agana Mulungu na finu ifyo fyeka mukupelwa. 34 Hoihyo lelo mulekaje kuhotsa ndongwa tsa mitondo, kwasawuli ndongwa tsa mitondo tsikitindivasa tsene. Wutindilivasi wa munyiguno wuvaje wa munyiguno ng’ani."