2 Samweli 5

Che Daudi akutendekwa mwenye jwa ku Isilaeli ni ku Yuda

1 Nipele ngosyo syose sya ku Isilaeli syanjaulile che Daudi kwele ku Hebuloni ko, ni kunsalila kuti, "Nnole, uweji tuli achalongo ŵenu ŵakuŵelekana. 2 Kuundanda ko che Sauli paŵaliji mwenye jwetu uweji, mmweji ni jumwalongwesye Ŵaisilaeli ku ngondo, ni Ambuje Akunnungu ŵannanjile kuti, ‘Timme jwakuchinga jwa ŵandu ŵangu Ŵaisilaeli, ni timme jwankulu pa Isilaeli.’" 3 Nipele achachekulu wose ŵa ku Isilaeli ŵanjaulile mwenye che Daudi kwele ku Hebuloni ko, nombejo ŵatesile lilangano nawo paujo pa Ambuje Akunnungu, nipele ŵanjitilile mauta che Daudi kuti aŵe mwenye jwa ku Isilaeli.