Ŵakulamula 13

6 Pelepo jwankongwe jo ŵajawile ni kwasalila ŵankwakwe, "Mundu jwa Akunnungu ŵanyichilile, kumeso kwakwe kwaliji kukusimosya mpela kumeso kwa katumetume jwakwinani jwa Akunnungu. Une najogwepe kwannope, nganinammusya kuŵatyochele namose liina lyakwe. 7 Nambo asalile kuti une tinyikute chitumbo ni kuŵeleka mwanache jwannume. Ŵasalile kuti ngasing’wa divai atamuno nkologo atamuno kulya chachilichose chachichindendekasye ngasingundikwa ni Akunnungu, ligongo kutandilila lyuŵa lichapagwe mwanache jo chaŵichikwe pajika kwaligongo lya Akunnungu."

8 Pelepo che Manoa ŵapopesile kwa Ambuje Akunnungu achitiji, "Choonde alakwe Ambuje Akunnungu, mundu jumuntumile jula aiche sooni kuti atujiganye yakuŵajilwa kuntendelela mwanache jo patachipagwa."