Mino hae Tuanaw Pyanaw
1 Ka ccaaw, kae ccangpyanaw kha ning nan,
na thinlung nynh
ka kawbya hae hynh ccykekuh sah;
2 pawccecize tuh-e hae nynh
hiinshe saenaw te
hiin hoynaw kha ae pya cih.
3 Lungzinaw te zyn lan umnaw kha
na kyate phiasakuh nan hae;
tuh-e hae tuh na nging kyakhe
oikuh hae lah,
na thinlung lungphe kyakhe
zeikuh hae.
4 Tuhteze tuh Pachia te
ccungccaw mitmuihnaw kya
maehoynaw te minhoynaw
na mue cih.3.4: Luk 2.52
5 Bawipaw kha na thinlung balyn te
doliakuh lah,
na hawnaw khate la rinkuh nan.
6 Na ccianaw laanpi takyh kya
amaw kha nyh lah,
na laanpi kha ae lawsahpah cih.
7 Amaw mitmuihnaw kya
ahawsakuhpaw la thua nan;
Bawipaw kha rih lah,
hoyleinaw kha maetawkuh.3.7: Rom 12.16
8 Tuh-e tuh na ngesaw hanlan
dannaw athua cih zah,
na pyn hanlan isei athua cih.