Hynbya Honaw Raeringnaw Pyanaw
1 Ka ccaaw, na innpaw elang
aamah na khanpyaku ze thuasah,
milae hanlan byakinpyakute
na kuihphe na bia ze thuasah,
2 nang tuh na byaho keiccuze
kaang na kae zah,
na khalang kya-e bya nynh ae kyng vae.
3 Tukeiccuze ka ccaaw,
nang tuh na innpaw kuih kya
phe na thua vae keiccuze
namaw te namaw khumku khylan
na cyi lanpaw tuh:
arangte cceih lah, zakawsangsakute
na innpaw kyakhe ngiakuh.
4 Na mit kha isah nan lah,
na mit masite na ithua nan sah;
5 sawkawpaw kuih kyate
sazuh a lue hawte thuasah,
kaangsyatu kuih kyate
pavaw a zua hawte thuasah
namaw te namaw kha khumku tua.