Deuteronômio 6

5 ओर तूँ यहोवा आपणे परमेशरो साथे आपणे पूरे मनो ते, पूरे प्राणो ते, पूरे दमाको ते ओर आपणी पुरिया तागता ते प्यार कर।*6:5 मत्ती 22:37, लूक 10:27 6 यो आज्ञा जो आऊँ आज ताखे सुणाऊँआ सेयो तुसे सदा याद राखणियां। 7 ओर तैं यो आपणे बाल-बच्चेया खे समजयाई की सिखाणियां ओर कअरे बैठे रे, बाटा रे चलदे, लेटदे, उठदे इना री चर्चा करदे रणा।*6:7 इफिसि 6:4 8 यो आपणे आथो रे चिह्नो रे रूपो दे बानणियां ओर यो तेरी आखी बीचे टीके रा काम करो।*6:8 मत्ती 23:5 9 यो आपणे-आपणे कअरो री चौखटा रे कनारे ओर आपणे प्रवेश द्धारो पाँदे लिखणियां।