Evangelium Matäus 18

Wäa es de Jratsta

1 En deeselwje Stund kjeemen de Jinja no Jesus un säden: Wäa es de Jratsta em Himmelrikj? 2 Un Jesus roopt een kjlienet Kjint un stald daut en äare Medd 3 un säd: Ekj saj junt woarhauftich: Wan jie nich omkjieren un soo woaren aus de kjliene Kjinja, woa jie nich en daut Himmelrikj nenkomen. 4 Wäa sikj nu selfst soo deemooticht aus dit Kjint, disa es de Jratsta em Himmelrikj.