1 Jehova regiert, er hat sich bekleidet mit Hoheit; Jehova hat sich bekleidet, er hat sich umgürtet mit Stärke; auch steht der Erdkreis fest, er wird nicht wanken. 2 Dein Thron steht fest von alters her, von Ewigkeit her bist du. 3 Ströme erhoben, Jehova, Ströme erhoben ihre Stimme, Ströme erhoben ihre Brandung. 4 Jehova in der Höhe ist gewaltiger als die Stimmen großer Wasser, als die gewaltigen Wogen des Meeres. 5 Deine Zeugnisse sind sehr zuverlässig. Deinem Hause geziemt Heiligkeit, Jehova, auf immerdar. *W. auf Länge der Tage

1 Psalmus ipsi David, quarta sabbati.

Deus ultionum Dominus ;

Deus ultionum libere egit.

2 Exaltare, qui judicas terram ;

redde retributionem superbis.

3 Usquequo peccatores, Domine,

usquequo peccatores gloriabuntur ;

4 effabuntur et loquentur iniquitatem ;

loquentur omnes qui operantur injustitiam ?

5 Populum tuum, Domine, humiliaverunt,

et hæreditatem tuam vexaverunt.

6 Viduam et advenam interfecerunt,

et pupillos occiderunt.

7 Et dixerunt : Non videbit Dominus,

nec intelliget Deus Jacob.

8 Intelligite, insipientes in populo ;

et stulti, aliquando sapite.

9 Qui plantavit aurem non audiet ?

aut qui finxit oculum non considerat ?

10 Qui corripit gentes non arguet,

qui docet hominem scientiam ?

11 Dominus scit cogitationes hominum,

quoniam vanæ sunt.

12 Beatus homo quem tu erudieris, Domine,

et de lege tua docueris eum :

13 ut mitiges ei a diebus malis,

donec fodiatur peccatori fovea.

14 Quia non repellet Dominus plebem suam,

et hæreditatem suam non derelinquet,

15 quoadusque justitia convertatur in judicium :

et qui juxta illam, omnes qui recto sunt corde.

16 Quis consurget mihi adversus malignantes ?

aut quis stabit mecum adversus operantes iniquitatem ?

17 Nisi quia Dominus adjuvit me,

paulominus habitasset in inferno anima mea.

18 Si dicebam : Motus est pes meus :

misericordia tua, Domine, adjuvabat me.

19 Secundum multitudinem dolorum meorum in corde meo,

consolationes tuæ lætificaverunt animam meam.

20 Numquid adhæret tibi sedes iniquitatis,

qui fingis laborem in præcepto ?

21 Captabunt in animam justi,

et sanguinem innocentem condemnabunt.

22 Et factus est mihi Dominus in refugium,

et Deus meus in adjutorium spei meæ.

23 Et reddet illis iniquitatem ipsorum,

et in malitia eorum disperdet eos :

disperdet illos Dominus Deus noster.