Mateus 1

Kwɔmba Ungwu Ɔzhizɔsi Okrasi:

18 Eza iyi kwɔmba ungwu Ɔzhizɔsi Okrasi gba i yi tee, anyi wu, Omeri, Ɔzhɔsɛfu e ye wu mu iluma bɛnɛ, akwɛyi o gele wu la rifo ingyi ri ngyi mbaa Kwundu uwu Ukpo. 19 Ɔzhɔsɛfu, ɔnu wu, akwu onzu ototo, uwu ba a gyi tee la ta wu undu kwudu, kaa le lo wu lovya mo. Akwɛyi a ka amasa tee, a lu wu afyima, kyokyokyo byi. 20 Kwuye ungwu e yi mu egbo ɛnyi ibyima akwɛyi e wolo ondo tee, ɔlɔgbulɔ uwu Ɔkwu, e bo a za wu tee, <<Ɔzhɔsɛfu, umɛ uwu Odevidi, ki wo iyi iyi Omeri itomo kaa lakwu oko ŋɔ mo, moo rifo nyɛ ngyi ri ngyi mbaa Kwundu uwu Ukpo. 21 Aa mba umɛ ɔzɔnu, akwɛyi ŋɔ kpowu ɛnyi tee Ɔzhizɔsi - moo a sa enzu wu ma mu ingbomo mbo.>>