1 <<La lu zɔ enzu umbafo ombu mo, Ukpo laa zɔ yi ombu mo, 2 moo ombu uwu bɔkɔ lu zɔ uwu enzu umbafo, tatayi gba Ukpo a zɔ uwayi le. Omudu uwu lu mondo laa enzu, mawu gba o mondo yi le. 3 <<Kimbe ki shi ba ŋɔ yese kwɔsɛ ungwu ku ta umɛnɛ ŋɔ mu kwuyi, kutu ungwu kwuwɛyi ungwu bɔkɔ ku yi mu kwuyi ŋɔ ba ŋɔ mangwu mo? 4 Ŋɔ wo laa ba ŋɔ za la umɛnɛ ŋɔ tee,<Bo kaa laa mi wala kwɔsɛ ungwu ku ta mu kwuyi ŋɔ le ma,> munɛ ba kutu ungwu kwuwɛyi ku yi mu kwuyi ŋɔ? 5 Uŋɔ u mu angba ele! Wa la kutu ungwu kwuwɛyi ungwu bɔkɔ ku yi mu kwuyi ŋɔ ma dɛ, akwɛyi ŋɔ ma ɛbɛ gedegede, gba ba ŋɔɔ wa la kwɔsɛ mu kwuyi ungwu umɛnɛ ŋɔ ma le.

6 <<La lu shi izu kiya ingyi ki yi kɛrikɛri mo. La lu to lɔkyɛ undeshi la lu fo la erusu mo, moo gba lu wo tayi oo kpa ndu ata, o gba oo fulowa oo shi yi eyi mɛnwu akwɛyi o pe yi mo yɛyɛ.

7 La lu nda, oo shi yi; la lu gagyi, luu fya; la lu la kwuwo mu riku, akwɛyi oo wa yi riku mo. 8 Moo onzu uwunawuna uwu a nda oo shi wu, onzu uwunawuna uwu a gagyi aa fya, onzu uwunawuna uwu bɔkɔ a la kwuwo mu riku ba oo wa wu ngyi ma. 9 <<Uwe mekeka yi bɔkɔ umɛ wu aa nda wu kwoburedi ba ee shi wu kwoki? 10 Naa umɛ wu ba aa nda wu umu ba ee shi wu ɔkwu? 11 Lunyi bɔkɔ lu yi ira te le lala, lu yitu iyi luu shi ɛmɛ yi kiya ingyeshi, ɔ bɔ zɔ tee Ete yi uwoshi ee shi yi apula iyi iyesheshi laa umba oo nda wu kwoya mo?

12 <<Kwuwo kwɔlɛ, mu ingyinangyina la lu wo laa enzu ingyi bɔkɔ lu gyi tee lo wo yi awu: moo ɛlɛ gba akwu Ɛrama iyi Omosisi mbala izɔma iyi anukenzu le.

13 << La lu fye mu kenzugwu kashɛrɛrɛ, moo ɔgwuzɛ uwu u sheye mbaa lukwu u yi kenzugu wowa ba u shi luzɛ kyoo te, enzu umba bɔkɔ o zɛma wu ba o yi riba. 14 Ɔgwuzɛ uwu kwunyɔ ba u yi kenzugwu sherere bi ba u kɔma mu luzɛ kyoo te, enzu umba o gagyi wu ba o yi bwɛ te.

15 << La lu ngbɛndu mbala anukenzu wamulo; O bo munyi yi mu ɛnwu iyi ilɔ, munɛ ba mu egbo mbo akwu lugbonga undu ira 16 Lu zɔngɔ mba ma mu ɛduma iwomo mbo. Enzu o do te oo bɛ eremi mu uwɛyi uwu owula-ɛgya, naa oboriyo mu ikpɛɛ? 17 Tayi gba uwɛyi uweshi u wa la imuma iyeshi, uwɛyi uwu ra ba u wa la imuma iyira le. 18 Uwɛyi uweshi uu wa la imuma iyira mo, uwɛyi uwura ba uu wa la imuma iyeshi mo. 19 Uwɛyi uwunawuna uwu bɔkɔ u muma iyeshi mo, o kpolo wu mo o ta mɔyi. 20 Kwuwo kwɔlɛ, mekeka iyi apula iyi oo wo gba lu zɔngɔ anukenzu wa mu i lo ma le.

21 <<Akwu onzu uwunawuna uwu ya mi ma tee, <Ɔkwu, Ɔkwu,> gba o fyɛ mu irɛsu iyoshi le mo, akwu umba bɔkɔ o wo ingyi Ada mi uwoshi a gyi le gba o fye mu irɛsu iyoshi le. 22 Ɔnuwu kwɔfyi ungwu ombu izɔma enzu gyɔɔ o-oo za mi tee, <Ɔkwu, Ɔkwu! Ki tanu iyi iso iyi Ukpo mu ɛnyi ŋɔ moo? Ki ra laa ɛndu iyira ma mu ɛnyi ŋɔ moo? Ki gba ki wo apula iyi kenzu iyama gyɔɔ mu ɛnyi ŋɔ moo?> 23 Akwɛyi mi so mba pepee tee, <Imi mi yi yi mo ndii, la lu zɛ gboo mbaa mi, lunyi wa wo ɛduma iyira mbɔlɛ!>

24 <<Kwuwo kwɔlɛ, onzu uwunawuna uwu bɔkɔ a pwa iso iya mi ɛlɛ, akwɛyi e wo ɛduma ma yi, o masa wu mbala onzu uwu ilukwu uwu bɔkɔ e mbo kwogba wu mu ɔzɔ. 25 Ukpo e tumo, ɛkwu ilomo, kwokpo kwu tumo kwu kpo mu kwogba kwɔngwu, kwogba ba kwu shirimo mo, kuwongwu kwu ri mu ɔzɔ.

26 <<Onzu uwunawuna uwu ba a pwa iso mi ɛlɛ ba e wo ɛduma ma yi mo, o masa wu mbala orondo uwu onzu, uwu bɔkɔ e mbo kwogba wu mu ɔgyɛ. 27 Ukpo e tumo, ɛkwu ilomo, kwokpo kwu tumo akwɛyi kwu kpo mu kwogba kwɔngwu, akwɛyi kwogba kwu shirimo giri laa ekpasu iyɛku!>>

28 Kwuye ungwu Ɔzhizɔsi a mbwa iso ɛlɛ isomo, enzu umba o gyirima awu o ya kenzu kwuwongu ɛzɔ wu izɔma, 29 kwuwongu a zɔ mba ɛzɔ mu idomo; akwu kyamate wa zɔ ɛrama iyi Omosisi mo.