Ɛzɔ Mekeka Iyi Rɛshi Iwomo Laa Ayirewa
1 <<La lu ngbɛndu kaa la lu wo ɛduma iyeshi gedegede kwuwongu enzu lo ma yi mo. Gba lu wo tayi, lu na rigbɛ mbaa Ete yi uwoshi mo.
2 <<Kwuwo kwɔlɛ gba ŋɔɔ wo rɛshi laa ɔyirewa, ki kpa kwɔzɔ mo, moo te gba wamwangba o-oo wo le mu idaba iyi ɛlu ikpalama iyi Azhu mbala mu ɛgwuzɛ, kaa enzu lɔ pwɔ mba ma. Mi so yi ongbulolo tee o na rigbɛ mba ma ndii-e. 3 Gba ŋɔɔ wo rɛshi laa ɔyirewa ba, ki nyama tee umɛza ŋa uwu kasɛkɛ lala le yitu mo. 4 Akwɛyi rɛshi iwomo ŋɔ aakwu kyokyokyo. Akwɛyi Ete yi, uwu bɔkɔ a ma iyi ŋɔ wo kyokyokyo awu, e shi ŋɔ rigbɛ.
Ɛzɔ Mekeka Iyi Ukpo Ilɛma
(Oluku 11.2-4)
6 Gba ba luu lɛ Ukpo, la lu fye mu ugu yi, la lu koko riku mo akwɛyi luu lɛ Ete yi, uwu bɔkɔ o ma wu mo awu. Akwɛyi Ete yi, uwu a ma iyi bɔkɔ o wo kyokyokyo awu, ee shi yi rigbɛ.