19 <<La lu kpala kiya ingyi kwuwo yi ɛlu mu kwudu kwɔlɛ mo, mbaa ela mbala akazhi i fye ma yi akwɛyi i tutu yi mo mo, mbaa awɛlɔ o fye akwɛyi o to ngyimo mo. 20 Lunyi ba la lu kpala kiya ingyi kwuwo yi ɛlu moshi, mbaa ela mbala akazhi i fye mo, mbaa awɛlɔ o do ifyemo kaa lo to kiya mo. 21 Mbaa bɔkɔ kiya ingyi kwuwo ŋɔ ki yi le, gba ba egbo ŋɔ i yi le tete.
Ɛbɛ Iyi Ɛnwu
(Oluku 11.34-36)
22 <<Eyi i yi mate kambwu ɔyi unga ke shi ɛbɛ laa ɛnwu tayi. Gba eyi ŋɔ ishoshi, ɛnwu ŋɔ kpɛkpɛyi akwu ɛbɛ; 23 gba eyi ŋɔ ba ishoshi mo, ɛnwu ŋɔ lɛɛbi akwu ipu kpakiri. Gba ɛbɛ iyi bɔkɔ i yi mu ɛnwu ŋɔ le akwu ipu, de ba ipu ɛnyi akwu iyɛku!
Ukpo Mbala Kiya Ingyi Kwuwo
(Oluku 16.13; 12.22-31)
24 <<Onzu ukpɛnyi akwu unye uwu ada umba kwogba wepo mo; moo e towo ukpɛnyi ma akwɛyi ba e pwu idɛnyi iyi ukpɛnyi; naa e lo ukpɛnyi mo akwɛyi aa zhi uwufo ma. Ŋɔ do te ŋɔ kwu umɛgba uwu Ukpo mbala uwu eduwo mo.