Ardiinke Elobaaxxe Yaanuwwanaa’n Heqqee’naasha Uwwemeeka Xixichcho
9 «Duuchchi woddiki Gootti atiki Mageni uwwa’neeke bogibaa martatto wodda; ookko hedha’neki ard huja’neexa elobaaxa yaane duuchcha hordoffoxxe. 10 Atixxe oddonaa’ni ayyinna labba belto; yookaan meyyaxxa giirate’n tolchoqqe: yookaan dhariinka beessisa kulaaki, hayyaataaki, gojotik manji hedhoqqe.18:10 Lew. 19:26; Fula. 22:18. 11 Yookaan diginte daggamaak, fuggichcha hafuura ye’edhaak, moraakinna ekedha haaseessaak atixxe oddo’n afemoqqe’e.18:11 Lew. 19:31. 12 Konneechchuwwa hordofaak duuchchi Duuchchi Woddike Gootta atike Mageni edo jibbendeexxenna elobaaxe yaanen: ati edi’a me’itettexxe qixxe’n Duuchchi Woddiki Gootti atik Mageni arda ati edii’n fiissa’neek iitta hexxeexxa elobaaxxa battitte yaane hunjammaxeeten.