1 Tee iimanna butta! Hiyyaannexxa laqqe:

haaso'annexxa duuchcha sammi hitine caqasse:

2 Barsiisa anxi xeeniinsha gandowwaal:

haaso'ikinna fixeensiinsha coccophphuun;

Badda'ate'n ofo'leeke fixeensishsha;

mudhote'n gandeexxe kiifoshsha;

3 Duuchchi woddike Goottika summa lassannon:

Mageno no'okika lumminne haaso'e.

4 Isi wolo'o no'oxxen: huje isixxinna qullitteten:

ori isiki duuchchi qajeelaken:

mitte dedha afebaak addatemeek Magen;

Isi dhugaatikenna shaqqaken.

5 Isi edo elobaak insa'neeka adaba leelisheen:

tenne'ni isinxe oose kandebaaxxa ege'nendaan:

insa'ne hara ba'ekenna fuggaaleeyye ilan.

6 Ha'no gowwoolenna yaada affinebaar;

Duuchchi woddike Gootti'a galati uutina'neek konne qicinnitee?

Anni atik atee i'leek

atee dadeekinna atee giisseeki isotebaa?

7 Qari baro'n kaddeexxa yaane qaabbat:

olmi bari edo hedhemmaka kassi hiyyi;

anna atika laqi, ate'e alfeeki, atee dadeek, atee giisseek isotebaa?

Geedhuwwatanna qodhdhi insa'nenna ati'a barrinse kullaan.

8 Lumok dada duuchchik Duuchchi woddiki Gootti Magen gosa gosake ardi'a qadaada uwwee wodda,

isi manjiinxa sanne gargar hisse foye wodda,

Isira'eelixxe ooseke laakkoossixxe qixxe'ni

manjo gosa gosati foye;

mitti mittinge manni'a gabala giisseen.

9 Duuchchi woddike Goottiki qoobbi arda ifikenni

Ya'iqoobinna gargari hedheeke isike qadaada kaddemmaxxeeten.

10 Qiilla boga'ni

gommoojje qiilla boga'n afeeni:

Gollake kade: isoo heqqeen:

illetike gummichchishsha to'ateen.

11 Sinibri mine ifika diigeexxi beltana ifixxa

ifixxe beltanna hana shalallissammashsha

Isoo abishshote'e keela farri assedhaan:

keeli isikinna kiphaan.

12 Duuchchi woddiki Goott isoo qofin akeeken:

dharichchi magen isin wolt hedhemmabaan.

13 Kooba lumoxi iima fulcheen:

isi huccemmaxxa karra itiseen:

buttini giddii'ni leelliteexxi daamo

booretike boga'n fuleeke ejersinke haqichchixxa zayite itiseen.

14 Laliinka buuronna gedhebiinka dalla'a,

re'etixxa ha'yo, adonna ititto;

Baasaanika elola buruusa,

jabbuwwanaa'n elolla dinne,

Gummichcho miince giissineeka bulbulo hawitineen.

15 Yishuuruni*

ite goddo furdateen:

Dademanga Mageno dedheeni;

isi'a golla kadeeka ifika anjirallo tuffate.

16 Magenonga misechchixxa fakke magenooffatati gaabinse:

elobaaxxa hunja'ni mufachchiinseen.

17 Konneechchi edo egenebaak;

barri giddii'n dageek;

Magenokeete kaddebaang durrisakee

edik annuwi insa'neek magenooffatebaake magenuwwi'a

tolcha shiqinsheen.✝

18 Annake kadeeka Mageno waalleen:

insa'neenni dade'enga Duuchchi woddika Gootta deenen.

19 Meyyaxxinna labbaxi oose insa'neexxi

iso'o mufachiisemmaxxe'e

Duuchchi woddiki Gootti tennee uudeexxi shorreen.

20 «Alba ankanna insa'nenaa'n hoyyedhannon» isinna

«dokko maa kandaaxxa uudannon:

insa'ne leetabaaxe ilani

hegeri'a kadaaran hine abixinaaxxe ilabaan hiyye.

21 Dhugaatike kadebaake miseechchixxe fakkuwa'ni anee gaabbinseen:

la'o affebaaxxe insa'neexxe fakkuwwa'ni ane'e mufachchiisann on:

Aninna tuffatemeek ard edo gaabbisannon

woyi flabaake manna'n insa'ne salphisannon.✝

22 Mufe anxixxi giira:

butti'ni hundike wiidi qico'ni bubbaan.

Buttatanna boga duuchcha itte birtaan;

bubenjikinna koobuwwa duuchcha ca'a asse luxube waalan.

23 «Higgeggeenni rakkonde'n rakko geessisannon;

halo anixa duuchcha insa'nen fulannon.

24 Kutti assaaka solo'o insa'ne'n ibisannon:

elobaake dhukkubinninna bala ibise'na mundaan:

Itaaka biniinchuwanna

iddaaka bofuwwa ergannon.

25 Ora orange'n bagedi kutti assaan:

mine duuchcha'n soda'a e'itaan:

ka'umikinna meyyak;

oosetinna geedhuwwa muddaan.

26 Ani booso insa'neexa balleessannon:

ookonechchi uduma insa'nee qaabataak hedhabaan:

27 Yaane kinn naaphuww insa'neek gacifatabaashsha,

‹Injifatteexxi anga no'oxxe malee'e,

Duuchchi woddik Gootti tennee assebaan hinabaasha› »

naaphiinka diina hoodenneni.

28 Isira'eelik ard hedumanga afeerabaan:

qaabantaarabaan.

29 Maye hedhe qaroomme tennee qaabbanteel:

haba marre genna'neexxa sila hende uundaman!

30 Rassa insa'neexxi sa'isse uwwagopheele,

Duuchchi Woddiki Gootti waala gopheele

Mitti manji hitta kuma shorra?

Lami hittata tomme kuma bajaashsha assa?

31 Naaphuw no'ok midde mitte afo'o kademmashshanni

insa'neek gootti no'oke Magenishshatebaan.

32 Woyinetik hiddichchi insa'neek Sodoomixxe woyinena'ni

Gomorake fichchana'ni dagaan;

Shiyammak woyoinetike hiddichchixxe buqqeshsha,

daali insa'neekinna heexotike haqichchinni wo'maan.

33 Woyine insa'neexxinna shiltammaxxe buuteshshanna;

idde shiyammake bofishshaten.

34 «Tinni naaph no'ok assexxi balleessa anke masseccatike mine'ni masse'neen;

maxaafa anke'ni maxxansemeekebaa?

35 Halo anxen, ani halo hiissannon;

yanna gelta wodda lekka insa'neexxi guggufattaan,

Huje insa'neexxishshanni hir ba'naxxi barra gelte'en;

insa'ne'ni geltaaxxi murtenna muddande'een✝

booke kande gantaan» hiyye.

36 Hunna anfebaaxxa uudanno wodda;

Duuchchi woddiki Gootti ergatoole ifixxe'e marraan:

kunni eloke; kunni yo'oke hiyye foyebaang

Duuchchi Woddik Gootti arda ifikee murte uwwaan.✝

37 Isinna hiyya'ne qici, «Rassa insa'nexxe kaddeek,

iiki insa'nek magenuwwi habata hedhe?

38 Tolcha insa'neekenaa'ni ha'yo ittemar;

woyinetike bulbulonaa'n ha'weemmak magenuwwi insa'neek

ke'e insa'ne'e gargaarowal gollakenna kadowal.

39 «Ani calli Magenoke kadennexxa ege'ne:

anee male'e weli hedhebaan:

Shiyannok; hedho uwwannok anten:

enqannon xaasannon

anga anixxenaa'n ayyinna gargaaro'a dande'abaan.

40 Anga anxa iimi'a ke'isse kakata'n,

Ani Duuchchi woddik Gootti hedhaanneke,

41 Calacala hiyyaaka wolaantichcha anka qadhdhannon:

naapha anike'ni halo fulanon:

anee gibammakee huje insa'neexxika hira uwwannon.

42 Shiyemeemmakenaa'nin booji'ememmakenaa'n

naaphuwwiinke sooresuwinaa'n munde halo anxa fulannon:

wolaantichchi anikinna naaphiinka maala kochchisaan» hiyye'e kakatannon.

43 Koo ank arda Duuchchi woddik Gootti,

ergatoole isixxa munde halo fulaan:

Naaphuwwakanna halo fulaan:

gibammak xixeexxi ardiinxe cubbo'a gattowwaal hiyyaan:

butta tenneka battooma ca'assaan

tennexxee ookkone isike ardinni wolti gammad.

44 Muusenna Newek belti Iyyaasuu ardi laqaashsha hafuura gikki assineex faaro faarsina. 45 Muuse konneechinn iimi'a hedheeka haaso'a ardakee haaso'eechchi uduma; 46 Insa'nee hiyyee qici: «Konne maxaafika seera xonxoommachchot heqqedha dandeennaashsha oose ha'nooxe'n kuldinaashsha ani telcho ha'noo'n dhugaate kaddaasha hiyyaannexxa duuchcha qalbeeffatte. 47 Kunni seeri hedho ha'nooxxike hafuura malee tolanga futti hineesha borreessineeke hiyyichchobaan; tennexxee tenne hiyya'a ajajemme: iitta assitinoole Yordaanoosi fooffine adhdhitina'neeke boga'n qeerra baro hexxinaan» hiyye.

48 Eettene barra'n Duuchchi woddiki Gootti Muuse hiyyee qici: 49 «Mo'aabike boga'n Iyyaarikoke qachchi edo hedheek Abaarixxe koobuwwabaa me'e: Naabawwu hinaaxe kooba da'mi: ookkoo'ninna Isira'eelike ardi'a dhaalchisaaneka Kenaanika boga hubatte uudi: 50 Dayyi atik Aarooni Horexxe kooba'n hana reyeexxi edike firi isik reyemmakiba'a me'emmashsha atinna eettene fuldettexxe kooba hana rerte atike reyemaake atike firiba'a me'i. 51 Ha'no laminiing Isira'eelike ard edo ani hiyyenneke ora'n me'itinebaan: Tsiini hinaake gammojje qiilla boga'n Qaadeesike qachchi bira hedheek Meriiba hinaaxe muumuwwa bira hexxemma wodda Isira'eelike ardi edo ane'e ulfeessitinebaan. 52 Tennexxee boga ookkonee ifi edo uudatto malee; Ani Isira'eelike ardi'a dhaalchisaanneka ookkonee bogiba geltabexxon» hiyye.✝