Mazamure Maxaafa 17

6 Abeet Xoossawu! Tani woossiin

neni siyiza gishshas

tani nena woossays;

ne hayththa taakko zaarada,

tani nees yootizayssa siya.

7 Bantta morkketappe baqatizayta

ne ushachcha kushezan

qottada ashshizayssoo!

Ne kiyateththa malalisiza

ogera qonccisa.

8 Ne ayfe ciro mala tana naaga;

ne qefeta giddon tana qotta.

9 Un7eththiza iitatappenne

dooddi uttida wolqqama

morkketa kusheppe

ne tana ashsha.