Mazamure Maxaafa 18

GODAY Sa7oole kusheppenne iza morkketa ubbaa kusheppe ashshida wode GODAA aylle Dawiti zammareta kaabbos GODAA gishshas yexxida mazamure.

1 Abeet GODAWU!

Ne taas wolqqa immida gishshas

ta nena siiqays.

2 GODAY taas zaalla;

tani olappe naagettiza miixa;

izi tana ashshizayssa;

ta Xoossay tani izan

geemetta attiza wogga zaalla.

Izi taas gondalle;

izi tana ashshiza kace;

taas izi mino zemppo.

3 Galatay bessiza GODAA

tani xeygays;

izi ta morkketappe tana ashshees.