1 Sa7aynne sa7an kumida

ubbay GODAASSA;

salo gufanththon diza

ubbay Xoossassa.✝24:1 1Qoro 10:26

2 Sa7aa gita abbata bolla miccides;

haaththa bollaka

minththidi essides.

3 GODAA zuma bolla kezanay oonee?

Iza geeshshasohon

eqqanay oonee?

4 Iza kushey nagarappe geeyiday,

iza wozinay geeshsha gididay,

eeqa xoossatas goynnonttay,

wordo caaqqonttay,✝24:4 Mato 5:8

5 izi GODAAPPE anjjo ekkana;

bana ashshiza Xoossafe

xillo pirda demmana.

6 Xoossako xeelliza asaynne

Yaaqoobe Xoossaa sinth

koyza asay heytantta mala.

7 Kareti doyettetto;

Bonchcho Kawoy gelo;

beni pengeti

iza ufayssan mokkite!

8 He Bonchcho Kawoy oonee?

Minonne wolqqama GODAA!

Olaska izi wolqqama GODAA!

9 Kareti doyettetto;

Bonchcho Kawoy gelo;

beni pengeti

iza ufayssan mokkite!

10 Ha Bonchcho Kawoy oonee?

He Bonchcho Kawoy

salo medheteththa GODAA!