Salmos 66

Zammareta Kaabbos Yexettida Mazamure

1 Sa7an diza as ubbay

intte qaala dhoqqisidi

ililisan Xoossa galatite.

2 «Xoossa sunththi bonchchetto!»

giidi yexxite;

bonchcho galata izas immite.

3 Xoossas, «Ne oosoti

ay keena malalisizoo!

Ne wolqqay daro gidida gishshas

ne morkketi yashshan

ne sinththan kokkoreettes.

4 Sa7an diza ubbay

nees goynnees;

nena sabbees;

ne sunththas galata mazamure

yexxees» giite.