Salmos 8

Dawiti Zammareta Kaabbos Susul7en Yexxida Mazamure

1 Abeet GODAWU!

Nu Godawu ne sunththi

biitta ubbaan keehi

bonchchettides;

neni ne bonchcho

salotappe bollan

dhoqqu dhoqqu histta

woththadasa.

2 Neni ne morkketa gishshas

ne baalgaaranne

ne bolla mandizayssa

sirphi ooththanawu

guuththa nayta doonaninne

dhammiza nayta doonan

galata kunththadasa.✝8:2 Mato 21:16

3 Neni ne kushen medhdhida salota,

sohon sohon neni

woththida aginanne

xoolintteta tani be7iza wode,

4 neni asas qoppanawu asi aazee?

Woykko neni asa naas

wudettanawu izi aazee?✝8:4 Iyo 7:17-18; Maza 144:3; Ib 2:6-8

5 Iza neni kiitanchchatappe*8:5 Kiitanchchatappe gizayssa issi issi geeshsha maxaafati Xoossafe geettes.

guuththara ziqqisadasa;

bonchchonne gitateththa

kallachcha

iza hu7en goxxisadasa.

6 Iza neni ne medhdhida

medheteththa ubbaa bollan

haarizaade ooththada

sunththadasa;

ubbaaka izas haarisadasa.✝8:6 1Qoro 15:27; Efe 1:22; Ib 2:8

7 Dorsatanne miizata,

do7a ubbaa,

8 salo kafota, abba moletanne

abba giddon diza medheta

ubbaaka izas haarisadasa.

9 Abeet nu GODAA Xoossawu!

Ne sunththi biitta ubbaa bolla

keehi bonchchettides.