1 यहोवा को यो वचन मके मिल्यो: 2 हे इन्सान का बच्चा, प्रभु यहोवा इस्राएल देश का विषय मे यो बोलस हइ कि: अंत हुयो! देश का चारी तरफ से अंत को टेम अइ गयो हइ! 3 तुम्हारो अंत को टेम अइ गो हइ, अब मी गुस्सा तुम्हारा उपर भडकय के. मी तुम्हारो आचरण का अनुसार तुम्हारो न्याय कर्यु अरु तुम्हारा सब घृणित कामहोन को बदलो दियु. 4 मी तुम्हारा उपर दया दुष्टी नी कर्ये; मी तुमखे नी छोड्यु. मी निच्छय ही तुम्हारा चालचलन का अरु तुम्हारा बिच घृणित कामहोन के तुमके दण्ड दियु. तब तुम जान्ये की मी यहोवा आय. 5 प्रभु यहोवा को यो बोलनु हइ: "विपत्ती का बाद! देख, वा अइ री हइ." 6 अंत अइ गयो हइ! सब को अंत अइ गयो हइ! उ खुद तुम्हारा खिलाफ जागी गो हइ. देखो, उ अइ रो हइ! 7 विनाश तुम्हारा उपर अइ गो हइ, तुम्हारा उपर, जो यो देश मे रेस हइ, उ टेम अइ गयो हइ! उ दिन पास मे हइ! पहाडहोन पर खुशी नी, पर आतंक हइ. 8 मी तुम्हारा पर अपनो गुस्सा कुडान आलो ही हइ, अरु अपनो गुस्सा तुम्हारा पर प्रकट करन ही आलो हइ, मी तुम्हारा चालचलन का अनुसार तुम्हारो न्याय कर्यु, अरु तुम्हारा सब घृणित कामहोन को बदलो तुम्हारा से लियु. 9 मी तुम्हारा पर दया दुष्टी नी करु; मी तुमखे नी छोडु, मी तुम्हारा से तुम्हारो चालचन अरु तुम्हारा बिच घृणित कामहोन को बदलो लियु. तब तुम जान्ये की मी यहोवा आय, जो तुमखे दण्ड देन आलो आय. 10 "देखो, उ दिन खे! देखो, उ दिन अइ रो हइ! तुम्हारो विनास फटी चुक्यो हइ, लकडी फुली गइ हइ, अहंकार बद्दल खे छुन लग्यो हइ." 11 उपद्रव बडते बडते दुष्कर्म को दण्ड बनी गयो, दुष्ट के सजा देन का लिये एक लकडी बनी गइ हइ, वे दुनियाहोन मे से कोइ भी नी बचनका, अरु नी उनकी भीड भाड, नी उनकी कोइ धन मे से कुछ रिये; अरु तुम्हारा विनाश पर रोन आला भी कोइ नी हुये. 12 देख टेम अइ गइ हइ! उ दिन अइ गो हइ! लेनआलो खुशी मत हो अरु नी बेचनआलो दु:खी होनु क्योकी म्हरो कोप पुरा भीड पर हइ. 13 चाहे वे जिन्दा ऱ्हीये. ते भी बेचनवाला बेची हुइ चिज का पास कभी वापस नी जय सके, क्योकी पुरा भीड का बारे मे जो दर्शन हइ उ पलट्यो नी जाये, अपना पाप का कारन, इनमे से कोइ भी अपना जीवन खे बचय नी सके. 14 "उन्हे नरसिंगो फुक्यो, अरु सब तयारी भी पुरी करी ली, पर युध्द मे कोइ भी नी गया, क्योकी देश पर मरो कोप हइ."

15 नगर का बाहेर तलवार हइ; अंदर भुखमारी हइ अरु अकाल हइ. जो बाहेर मैदान मे हइ, वे तलवार से मर्ये; जो शहर मे हइ, वे अकाल अरु महामारी से मार्या जाये. 16 उनका मे से जो बचीखे निकल्ये वे बच्ये तो सही पर अपना अपना पापहोन मे फस्या र्हिये घाटीहोन मे र्हेनआला कबुतरहोन का जसा पहाड का उपर विलाप करता र्हिये. 17 सब का हाथ ढिला हुइ जाये अरु डर से उनका पाय कापे. 18 वे टाट से कमर कसे अरु सब जन काप्ये. अरु वे भयभित हुये, उनको माथो मुड्यो जाये, अरु वे सब अपमान कर्या जाये. 19 वे अपनी चांदी सडक मे फेकी दिये, अरु उनको सोन्नो अशुध्द वस्तु ठहर्ये, यहोवा को कोप का दिन उनकी चांदी अरु सोन्नो उनखे बचइ नी पानको, यो उनकी भुक खे नी मिटानको अरु नी उनको पेट खे भरी पाये, क्योकी उ उनका पाप मे पडन को कारन हुयो हइ. 20 उन्हे अपना गहनाहोन पर घमंड कर्यो हइ, अरु उनको उपयोग अपनी घृणित मुर्तीहोन के बनाना मे कर्यो हइ. अरु घृणित वस्तु बनइ खे रखी हइ; येकालिये मेने ओके उनका लिये अशुध्द वस्तू बनय दियु. 21 मी उनकी धन संपत्ती खे लुट का अरु मे विदेशिहोन खे अरु पृथ्वी का बुरा दुनियाहोन खे दि दियु, जो ओखे खराब करी दिये. 22 मी दुनीयाहोन से अपनो मुडो फिरी लियु, अरु डाकु मरी बहुमूल्य जगह खे अपवित्र करीये, वे येमे प्रवेश कर्ये अरु येखे अशुध्द करी दिये. 23 साकल बनइ दे, क्योकी देश रक्तपात से अरु शहर हिंसा से भरी गयो हइ. 24 "मी जनताहोन का सब से बुरा दुनीयाहोन खे लायु कि वे उनका घरहोन पर कबजो करी लिये, मी बलवान को घमंड को अंत करी दियु, अरु उनका पवित्र जगह खे अपवित्र करी डाल्यु." 25 जब दु:ख पिडा पडना पर वे शान्ती धुड्ये पर उनखे शान्ती नी मिलनकी 26 विपत्ती का उपर विपत्ती आये, अरु अफवाह का उपर अफवाह फैल्ये, वे भविष्यवक्ताहोन विन्नती कर्ये कि वे जो भविष्यवाणी करस हइ ओखे प्रकट कर, याजकहोन का पास दुनीयाहोन खे सिखान का लिये कुछ नी रेह, अरु बापदादा का पास देन का लिये कोइ सलहा नी रेहनकी. 27 राजो शोक मनाये, राजकुमार आस छोडी दिये, अरु प्रजा डर से कापन लग्ये. मी तुम्हखे तुम्हारा सब कामहोन को दंड दियु, अरु जो प्रकार तुमने दुसरा को न्याय कर्यो हइ, उ प्रकार तुम्हारो भी न्याय कर्यु. येका से तुम्हखे पतो चल्ये की मी ही यहोवा आय.